استانا. 2 شىلدە. پاۆلودار ءوڭىرىنىڭ اكىمى قانات بوزىمباەۆتىڭ وكىمىمەن وبلىستىق مادەنيەت, مۇراعاتتار جانە قۇجاتتاما باسقارماسىنا جاڭا باسشى تاعايىندالدى. بۇل تۋرالى «قازاقپارات» حابارلادى.
پاۆلودار وبلىستىق مادەنيەت, مۇراعاتتار جانە قۇجاتتاما باسقارماسىنىڭ باسشىسى بولىپ بەكىتىلگەن اينۇر ماقسۇتقىزى سارسەنباەۆا 1998 جىلى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىن بىتىرگەن. ەڭبەك جولىن اقسۋ قالاسىنىڭ ورتا مەكتەبىندە تاريح ءپانىنىڭ مۇعالىمى بولىپ باستاعان. سودان كەيىن, اقسۋ قالاسى مادەنيەت جانە تىلدەردى دامىتۋ ءبولىمىنىڭ باس مامانى, ءبولىم باستىعى بولىپ جۇمىس ىستەدى. ال وسى تاعايىنداۋعا دەيىن پاۆلودار قالالىق مادەنيەت جانە تىلدەردى دامىتۋ ءبولىمىنىڭ باسشىسى قىزمەتىن اتقارعان.
سونىمەن قاتار, ايماق باسشىسىنىڭ وكىمىمەن گۇلنار بايسەيىتقىزى بايسەيىتوۆا وبلىس اكىمى اپپاراتى باسشىسىنىڭ ورىنباسارى بولىپ تاعايىندالدى. گۇلنار بايسەيىتقىزى وسى تاعايىنداۋعا دەيىن وبلىس اكىمدىگىندە باس ينسپەكتور بولدى.
جولدىباي بازار.
دەرەككوز: «قازاقپارات».
فوتو: porementu.ru.