«قازگيدرومەت» رمك ءباسپاسوز قىزمەتى ءساۋىردىڭ 2-سىنە ارنالعان اۋا رايى بولجامىن جاريالادى, دەپ حابارلايدى Egemen.kz.
«قازگيدرومەت» مالىمەتتەرىنە قاراعاندا, بۇگىن ەلىمىزدىڭ باسىم اۋماعى انتيتسيكلون جىراسىنىڭ ىقپالىندا بولادى. كۇن اشىق بولادى. تەك ەلدىڭ باتىسىنا, وڭتۇستىگىنە جانە وڭتۇستىك-شىعىسىنا تسيكلون جىراسى اسەر ەتىپ, ونىمەن بايلانىستى فرونتالدى بولىكتەردىڭ وتۋىمەن جاڭبىر جاۋادى, وڭتۇستىگىندە نايزاعاي بولادى.
رەسپۋبليكا بويىنشا ەلىمىزدىڭ وڭتۇستىگىندە, وڭتۇستىك-باتىسىندا وتە قاتتى جەل سوعىپ, وڭتۇستىگىندە - شاڭدى داۋىل تۇرادى, وڭتۇستىك-شىعىسىندا تۇمان تۇسەدى.
جەتىسۋ وبلىسىندا, تۇركىستان, جامبىل وبلىستارىندا جەلدىڭ ەكپىنى 30 م/س دەيىن جەتەدى.
تۇندە الماتى وبلىسىندا 1-6 گرادۋس, جەتىسۋ وبلىسىندا 2-7 گرادۋس, تۇركىستان وبلىسىنىڭ سولتۇستىگىندە, تاۋلى اۋداندارىندا 2 گرادۋس ۇسىك جۇرەدى.