جەتىسۋ وبلىسىنىڭ كوكسۋ اۋدانىندا جىلۋ قازاندىعى جارىلدى. وقيعا سالدارىنان ءبىر جۇمىسشى قايتىس بولدى, دەپ حابارلايدى Egemen.kz.
«1 ءساۋىر كۇنى ساعات 8:52-دە كوكسۋ اۋدانى 10 جىلدىق قازاقستان اۋىلىندا جالپى اۋدانى 22 شارشى مەتر جىلۋ قازاندىعى جارىلدى. اپات سالدارىنان وقيعا ورنىندا ءبىر جۇمىسشى كوز جۇمدى», دەدى كوكسۋ اۋدانىنىڭ اكىمى مارلەن كولباەۆ.
قايتىس بولعان جۇمىسشى 58 جاستا ەدى. ونىڭ ارتىندا بەس بالاسى قالدى.
قازىرگى ۋاقىتتا جارىلىستىڭ ناقتى سەبەبى انىقتالىپ جاتىر.