قازاقستاننىڭ ءبىرىنشى, الەمنىڭ 7-راكەتكاسى ەلەنا رىباكينانىڭ مايامي WTA 1000 ءتۋرنيرىنىڭ فينالىنداعى قارسىلاسى كىم ەكەنى بەلگىلى بولدى, دەپ حابارلايدى Egemen.kz.
جارتىلاي فينالدا الەمنىڭ 12-راكەتكاسى, چەحيالىق پەترا كۆيتوۆا مەن دۇنيەجۇزىلىك رەيتينگىدە 74-ورىندا تۇرعان رۋمىنيالىق سورانا كىرستيا كەزدەستى.
ءبىرىنشى سەتتە رۋمىنيالىق تەننيسشى 5:2 ەسەبىمەن العا شىققانىمەن, قاتارىنان بەس گەيمدە ۇتىلىپ قالدى – 7:5.
ەكىنشى سەتتە چەحيالىق سپورتشى 6:4 ەسەبىمەن باسىم ءتۇستى. 1 ساعات 41 مينۋتقا سوزىلعان باسەكە بارىسىندا پ.كۆيتوۆا 7 ەيس جاساپ, 7 برەيك-پوينتتىڭ ۇشەۋىن پايدالاندى. قارسىلاسى 4 ەيس, 1 برەيكتەن (5 برەيك-پوينت) اسا العان جوق.
وسىلايشا, مايامي ماستەرس جارىسىنىڭ فينالىندا ەلەنا رىباكينا پەترا كۆيتوۆامەن شەبەرلىك بايقاسادى.
ايتا كەتسەك, ولار بۇعان دەيىن ەكى رەت كەزدەسكەن, ەسەپ – 1:1. وتكەن جىلى وستراۆا (چەحيا) دوداسىندا قازاقستاندىق تەننيسشى 7:6 (7:3), 6:4 ەسەبىمەن باسىم تۇسسە, بيىل ادەلايدا 2 (اۋستراليا) تۋرنيرىندە پ.كۆيتوۆا جەڭىسكە جەتتى – 6:3, 7:5.