استانا تۇرعىندارىنا 8 ساۋىردە ىستىق سۋ جاسىل تۇسكە بويالۋى مۇمكىن ەكەنى ەسكەرتىلدى, دەپ حابارلايدى Egemen.kz «استانا-تەپلوترانزيت» اق مالىمەتتەرىنە سىلتەمە جاساپ.
8 ساۋىردە كومپانيا جىلۋ جەلىسىنىڭ سۋىنا ناتري فلۋورەستسەينىنىڭ ورگانيكالىق بوياۋىن قوسۋدى جوسپارلاپ وتىر, بۇل قۇبىرلاردىڭ جاسىرىن اقاۋلارى, سۋ جىلىتقىشتارى مەن تۇتىنۋشىلاردىڭ جىلۋ جەلىلەرىنىڭ بەكىتۋ ارماتۋراسىنىڭ تىعىزدىعى, سونداي-اق وندىرىستىك جانە تۇرمىستىق قاجەتتىلىكتەرگە جەلىلىك سۋدىڭ ىسىرابىن انىقتايدى.
ىستىق سۋ شۇمەگىنەن جاسىل فلۋورەستسەنتتى سۋدىڭ اعۋى كوزگە بايقالعان جاعدايدا, استانالىقتارعا دەرەۋ مىنا نومەرلەرگە حابارلاۋ سۇرالادى:
«ikomek 109» قىزمەتى; «استانا-تەپلوترانزيت» اق جەدەل-ديسپەتچەرلىك قىزمەتى 77 12 00, 77 12 11; ىسكە قوسۋ قىزمەتىنىڭ ديسپەتچەرى (جۇمىس كۇندەرى 8:00-12:00 13:00-17:00) تەلەفوندارى بويىنشا 79 88 97 (ەسىل اۋدانى), 79 21 60 (ىشكى كود 102) (سارىارقا / بايقوڭىر اۋدانى )), 77 12 92 (الماتى/بايقوڭىر اۋدانى).