الماتىدا گاز ءتاريفى پروكۋراتۋرا تەكسەرىسىنەن كەيىن تومەندەدى

تەكسەرۋ ناتيجەلەرى بويىنشا «APL Construction» جشس-دە بەكىتىلگەن تاريفتىك سمەتانىڭ بۇزىلۋى, سونداي-اق ورامىشىلىك گازبەن جابدىقتاۋ جەلىلەرىنە قوسىلۋ كەزىندە ۇستەم جاعدايدى تەرىس پايدالانۋ انىقتالعان.

«قالا پروكۋراتۋراسىنىڭ قاداعالاۋ اكتىسى بويىنشا تاريف 1 مىڭ تەكشە مەتر ءۇشىن 6 362,77 تەڭگەدەن 5 999,08 تەڭگەگە دەيىن تومەندەتىلدى (5,7 پايىزعا), 184 ميلليون تەڭگە سوماسىنا وتەمدىك تاريف ەنگىزىلدى, سونداي-اق مونوپوليست قر اكىمشىلىك قۇقىق بۇزۋشىلىق تۋرالى كودەكسىنىڭ 159-بابى 3-1 جانە 164-بولىگى 4-بولىگى بويىنشا جاۋاپكەرشىلىككە تارتىلدى جانە 78 ميلليون تەڭگە ايىپپۇل ءوندىرىلدى», دەلىنگەن حابارلامادا.

قابىلدانعان شارالار بويىنشا ەڭبەكشىقازاق جانە پانفيلوۆ اۋداندارىنىڭ 11 مىڭ تۇتىنۋشىنىڭ قۇقىعى قورعالدى, ولاردىڭ 300-دەن استامى كاسىپكەرلەر.