سەنات سپيكەرى ماۋلەن اشىمباەۆتىڭ توراعالىعىمەن ء«وڭىر» دەپۋتاتتىق توبىنىڭ جاڭارعان قۇراممەن العاشقى وتىرىسى ءوتتى. جيىن بارىسىندا دەپۋتاتتار مەملەكەت باسشىسى قاسىم-جومارت توقاەۆتىڭ VIII سايلانعان پارلامەنت ءماجىلىسىنىڭ ءبىرىنشى سەسسياسىندا پارلامەنت پەن ۇكىمەتكە جۇكتەگەن مىندەتتەرىن تالقىلادى.
وتىرىستى اشقان ماۋلەن اشىمباەۆ ەل پرەزيدەنتى بەلگىلەپ بەرگەن ماڭىزدى باسىمدىقتار جاڭارعان پارلامەنتتىڭ جۇمىسىنداعى اسا ماڭىزدى باعىتتار ەكەنىن اتاپ ءوتتى.
«پرەزيدەنت تاپسىرمالارى اياسىندا ماجىلىستەگى ارىپتەستەرىمىزبەن جانە ۇكىمەتپەن بىرلەسىپ, جاڭا فورماتسياداعى زاڭدار قابىلداۋىمىز كەرەك. ول دەگەنىمىز – ەل دامۋىنىڭ جاڭا كەزەڭىنەن جول اشاتىن, كەشەندى رەفورمالاردى قامتيتىن جانە بۇگىنگى سىن-قاتەرلەر ەسكەرىلگەن زاڭدار. پالاتانىڭ كۇن تارتىبىندە ادىلەتتى قازاقستان قۇرۋعا ارنالعان زاڭداردى قابىلداۋ مىندەتى دە تۇر. ولاردىڭ قاتارىندا شەتەلگە زاڭسىز شىعارىلعان اكتيۆتەردى قايتارۋ جونىندەگى زاڭ جانە مەملەكەتتىك ساتىپ الۋ تۋرالى جاڭا زاڭ بار», دەدى ماۋلەن اشىمباەۆ.
سونىمەن قاتار سەنات توراعاسى سالىق, بيۋدجەت, قالا قۇرىلىسى جانە سۋ كودەكستەرىن قابىلداۋ بويىنشا جۇمىستى ساپالى ۇيىمداستىرۋدىڭ ماڭىزدى ەكەنىن ايتتى.
مەملەكەت باسشىسى ايقىنداعان باسىم باعىتتاردىڭ ءبىرى – وڭىرلەردى دامىتۋ. بۇل سەنات جۇمىسىنداعى ماڭىزدى باسىمدىقتاردىڭ ءبىرى جانە ء«وڭىر» دەپۋتاتتىق توبى اتقاراتىن قىزمەتتىڭ نەگىزى ەكەنى بەلگىلى. سوعان بايلانىستى پالاتا سپيكەرى دەپۋتاتتىق توپ جۇمىسىنىڭ باستى باعىتتارىن اتاپ كورسەتتى. ناقتى ايتقاندا, ء«وڭىر» توبىنا مۇشە سەناتورلار وڭىرلەرگە جۇيەلى تۇردە شىعىپ, جەرگىلىكتى حالىقپەن, ونىڭ ىشىندە اۋىل تۇرعىندارىمەن كەزدەسىپ, ايماقتاعى كوپشىلىكتى الاڭداتقان پروبلەمالاردى انىقتاپ, ولاردىڭ وڭ شەشىلۋىنە ىقپال ەتۋى كەرەك.
سەنات توراعاسى ول ءۇشىن ءداستۇرلى تەتىكتەرمەن بىرگە جاڭا تاسىلدەردى دە قولدانۋ قاجەت ەكەنىن, ساراپشىلاردى, جۇرتشىلىقتى جانە باق وكىلدەرىن جۇمىلدىرا وتىرىپ جۇمىس ىستەۋ كەرەكتىگىن ايتتى.