الەمدەگى ەڭ باقىتتى ەلدەر قاتارىندا دامىعان ەۋروپا مەملەكەتتەرى مەن كوستا-ريكا بار. بىرنەشە جىل قاتارىنان كوش باستاپ كەلە جاتقان فينليانديا ەڭ جوعارى − 7,8 بالل جيناعان. وعان جاقىن كورسەتكىشتەر يسلانديا مەن دانيا ەلدەرىندە − ارقايسىسى 7,5 بالل. ال اقش 6,8 بالمەن 23-ورىندا ورنالاسقان. ورتالىق ازيا ەلدەرىمەن سالىستىرعاندا وزبەكستان قازاقستاننان كەيىن تۇر. قازاقستان بۇل رەيتينگتە 33-ورىندى يەلەنگەن, دەپ حابارلايدى Egemen.kz.
وزبەكستان قاتارىنان ەكىنشى جىل الەمدەگى ەڭ باقىتتى 50 ەلدىڭ قاتارىنا قايتا ەنە الماي وتىر. ەگەر 2023 جىلى ەل 147 مەملەكەتتىڭ ىشىندە 47-ورىندا بولسا, 2024 جانە 2025 جىلدارى 53-ورىنعا تۇراقتاعان. World Happiness Report 2026 دەرەكتەرىنە سايكەس, سوڭعى ءۇش جىلداعى ءومىر ساپاسىنىڭ ورتاشا باعاسى 10 بالدىق شكالا بويىنشا 6,3 بالدى قۇرادى. ال 2024 جىلعى ەسەپتە بۇل كورسەتكىش − 6,2 بالل بولعان.
بۇل يندەكس بىرنەشە نەگىزگى فاكتورلار نەگىزىندە ەسەپتەلەدى. ولاردىڭ قاتارىندا الەۋمەتتىك قولداۋ دەڭگەيى, ماتەريالدىق جاعداي, تاڭداۋ ەركىندىگى, ءومىر ءسۇرۋ ۇزاقتىعى, قايىرىمدىلىق جانە سىبايلاس جەمقورلىقتى قابىلداۋ كورسەتكىشتەرى بار. مالىمەتتەر سوتسيولوگيالىق ساۋالنامالار مەن رەسمي ستاتيستيكا ارقىلى جينالادى. وزبەكستاندا حالىقتىڭ باقىت دەڭگەيىنە ەڭ كوپ اسەر ەتەتىن كورسەتكىشتەر − الەۋمەتتىك قولداۋ, ءال-اۋقات جانە ەركىندىك سەزىمى.
قازاقستان قۇراماسى فيفا رەيتينگىندە 110-ورىنعا كوتەرىلدى
سونىمەن قاتار, زەرتتەۋدە ادامداردىڭ ەموتسيالىق كۇيىنە دە ەرەكشە نازار اۋدارىلعان. ساۋالناما ناتيجەسىنە سايكەس, وزبەكستاندىقتاردىڭ 75,4%-ى وتكەن كۇنى ك ۇلىپ, جاقسى كوڭىل-كۇيدە بولعانىن جانە قىزىقتى ىستەرمەن اينالىسقانىن ايتقان. جالپى, سوڭعى ون جىلدا ەلدە وپتيميستىك كوزقاراستاعى ادامدار باسىم. ال پەسسيميستىك كوڭىل-كۇيدەگى رەسپوندەنتتەر ۇلەسى 22,4%-دى عانا قۇرايدى.
قازاقستان QS 2026 پاندىك رەيتينگىندەگى پوزيتسياسىن نىعايتتى
قىرعىزستان 6 بالمەن 66-ورىندا, ال رەسەي ءبىر جىلدا 13 ورىنعا تومەندەپ, 79-ورىنعا تۇسكەن (5,8 بالل). رەيتينگتىڭ ەڭ سوڭىندا اۋعانستان ورنالاسقان, ونىڭ كورسەتكىشى نەبارى − 1,4 بالل.