ساراپشىلاردىڭ مالىمەتىنشە, 2025 جىلدىڭ قورىتىندىسى بويىنشا ءبىر ادامعا شاققانداعى ازىق-ت ۇلىك پەن الكوگولسىز سۋسىندارعا كەتكەن ورتاشا شىعىن 615,5 مىڭ تەڭگەگە جەتكەن. بۇل الدىڭعى جىلمەن سالىستىرعاندا 13,9%-عا كوپ, ال 2010 جىلدان بەرى نومينالدى شىعىندار شامامەن التى ەسەگە ارتقان. سونىمەن قاتار حالىق شىعىنىنىڭ قۇرىلىمىندا ازىق-ت ۇلىكتىڭ ۇلەسى جوعارى دەڭگەيدە قالىپ وتىر. 2025 جىلى بۇل كورسەتكىش 47,8%-دى قۇرادى. پاندەميا كەزىندەگى ەڭ جوعارى دەڭگەي – 50,4%, كورسەتكىش ازداپ تومەندەگەنىمەن, بۇرىنعى قالىپتى مەجەگە قايتا تۇسپەگەن. بۇل ازاماتتاردىڭ نەگىزگى قارجىسى ءالى دە كۇندەلىكتى تۇتىنۋعا جۇمسالاتىنىن كورسەتەدى, دەپ حابارلايدى Egemen.kz.
تابىستىڭ وسۋىنە قاراماستان, ونىڭ ەداۋىر بولىگى تەك كۇندەلىكتى تاماقتانۋعا جەتەدى. 2025 جىلى قازاقستاندىقتار جالپى تابىسىنىڭ 42,5%-ىن ازىق-ت ۇلىككە جۇمساعان. بۇل 2024 جىلمەن سالىستىرعاندا جوعارى (40,7%). ايماقتار اراسىندا ايىرماشىلىق ايقىن: مىسالى, الماتىدا ءبىر ادامعا شاققانداعى ازىق-ت ۇلىك شىعىنى 843,1 مىڭ تەڭگەگە جەتسە, جەتىسۋ وبلىسىندا تۇرعىندار تابىسىنىڭ 59,1%-ىن, ال جامبىل وبلىسىندا 55,9%-ىن ازىق-ت ۇلىككە جۇمساعان. تۇركىستان وبلىسىندا بۇل كورسەتكىش 52,9%-دى قۇرايدى.
ەلوردادا ءتيىمدى باعادا ازىق-ت ۇلىكتى قايدان الۋعا بولادى؟
ال استانا, قاراعاندى جانە قوستاناي وبلىستارىندا ازىق-ت ۇلىك شىعىندارىنىڭ ۇلەسى سالىستىرمالى تۇردە تومەن – شامامەن 32-34% ارالىعىندا.
ازىق-ت ۇلىك شىعىندارىنىڭ قۇرىلىمى دا وزگەرىسسىز قالىپ وتىر. ەڭ ۇلكەن ۇلەستى ەت ونىمدەرىندە – بارلىق شىعىننىڭ 34,4%-ى (211,6 مىڭ تەڭگە). ءبىر جىل ىشىندە بۇل ساناتتاعى شىعىن 18,1%-عا ارتقان. ودان كەيىن نان ونىمدەرى مەن جارما (14,7%), سونداي-اق ءسۇت ونىمدەرى (10,6%) تۇر. وسى ءۇش سانات جالپى شىعىننىڭ شامامەن 60%-ىن قۇرايدى.
ال جەمىس-جيدەك پەن كوكونىسكە جۇمسالاتىن قارجىنىڭ ۇلەسى تومەنىرەك – تيىسىنشە 9,1% جانە 7,7%. بالىق پەن تەڭىز ونىمدەرىنە جۇمسالاتىن شىعىن – نەبارى 4,4%, ال جۇمىرتقاعا – 2,1%. بۇل حالىق تۇتىنۋىنىڭ نەگىزىنەن قولجەتىمدى, بازالىق ونىمدەرگە تاۋەلدى ەكەنىن اڭعارتادى.
باعانىڭ ءوسۋى جاعدايدى ودان ءارى ۋشىقتىرىپ وتىر. 2026 جىلدىڭ اقپان ايىندا ازىق-ت ۇلىك باعاسى وتكەن جىلدىڭ وسى كەزەڭىمەن سالىستىرعاندا 12,6%-عا قىمباتتاعان. بۇل 2025 جىلعى 6,3%-دىق وسىمنەن ەكى ەسە جوعارى. سوڭعى ونجىلدىقتاعى ەڭ جوعارى قارقىنداردىڭ ءبىرى رەتىندە باعالانىپ وتىر.
ناۋرىز ايىندا ءدارى-دارمەكتەردىڭ باعاسى 25%-عا ارزاندادى
وڭىرلەر اراسىندا ەڭ جوعارى باعا ءوسىمى ۇلىتاۋ وبلىسىندا تىركەلگەن – 16,2%. ودان كەيىن اقمولا (15,2%) جانە سولتۇستىك قازاقستان (15,1%) وبلىستارى تۇر.
ساراپشىلاردىڭ ايتۋىنشا, ازىق-ت ۇلىك باعاسىنىڭ مۇنداي قارقىنمەن ءوسۋى جالعاسسا, 2026 جىلدىڭ قورىتىندىسىندا حالىق شىعىنىنداعى ازىق-ت ۇلىك ۇلەسى قايتادان 50%-دان اسۋى مۇمكىن. بۇل ءوز كەزەگىندە تۇرعىنداردىڭ باسقا قاجەتتىلىكتەرگە جۇمسايتىن قاراجاتىن ازايتىپ, ءومىر ءسۇرۋ ساپاسىنىڭ تومەندەۋىنە اكەلۋى ىقتيمال.