تەننيستەن قازاقستان قۇراماسىنىڭ وكىلى يۋليا پۋتينتسەۆا اقش-تىڭ چارلستون قالاسىندا ءوتىپ جاتقان WTA 500 ساناتىنداعى ءتۋرنيردىڭ شيرەك فينالىندا جەڭىسكە جەتتى, دەپ جازادى Egemen.kz.
ۇلتتىق وليمپيادا كوميتەتىنىڭ مالىمەتىنشە, وتانداسىمىز جۇپتىق سىندا يتاليا تەننيسشىسى ەليزابەتتا كوچچارەتتومەن بىرگە ونەر كورسەتىپ جاتىر.
شيرەك فينالدا ولار گرۋزيا وكىلى ەكاتەرينا گورگودزە مەن مەكسيكا سپورتشىسى رەناتا ساراسۋادان قۇرالعان جۇپتى ءۇش سەتكە سوزىلعان تارتىستى كەزدەسۋدە جەڭدى. قورىتىندى ەسەپ - 3:6, 7:5, 10:7.
يۋليا پۋتينتسەۆا ماۋسىمداعى العاشقى جەڭىسىنە قول جەتكىزدى
فينالعا جولداما الۋ ءۇشىن پۋتينتسەۆا مەن كوچچارەتتو امەريكالىق كەتتي ماكنەللي جانە دەزيرە كراۆچيكپەن كەزدەسەدى.