قازاقستاننىڭ ءبىرىنشى, دۇنيەجۇزىنىڭ 7-راكەتكاسى ەلەنا رىباكينا Miami Open ءتۋرنيرىنىڭ شيرەك فينالىندا جەڭىسكە جەتتى, دەپ حابارلايدى Egemen.kz.
ەلەنا رىباكينا دۇنيەجۇزىنىڭ 24-راكەتكاسى, يتاليالىق تەننيسشى مارتينا ترەۆيزانمەن وينادى. ماتچ 1 ساعات 9 مينۋتقا سوزىلدى.
قازاقستاندىق تەننيسشى ەكى سەتتە 6:3, 6:0 ەسەبىمەن جەڭىسكە جەتتى.بۇل - ەلەنا رىباكينانىڭ قاتارىنان 12-جەڭىسى. ەندى ول ءتۋرنيردىڭ جارتىلاي فينالىندا دجەسسيكا پەگۋلا (اقش) مەن اناستاسيا پوتاپوۆا (رەسەي) جۇبىنىڭ جەڭىمپازىمەن كەزدەسەدى.
ەسكە سالايىق, بۇعان دەيىن ەلەنا رىباكينا Miami Open ءتۋرنيرىنىڭ 1/8 فينالىندا دۇنيەجۇزىنىڭ 39-راكەتكاسى, بەلگيالىق تەننيسشى ەليزە مەرتەنستى جەڭگەن ەدى.