توعىز وبلىستا اۋا رايىنا بايلانىستى ەسكەرتۋ جاريالاندى

2023 جىلعى 26 ناۋرىزدان 28 ناۋرىزعا دەيىنگى كەزەڭدە وڭ اۋا تەمپەراتۋراسىنىڭ ساقتالۋىنا جانە ودان ءارى جوعارىلاۋىنا بايلانىستى قوستاناي وبلىسىنىڭ باسىم بولىگىندە قاردىڭ قارقىندى ەرۋى, ەرىگەن سۋلاردىڭ قالىپتاسۋى, مۇز قۇبىلىستارىنىڭ السىرەۋى جالعاسادى, بۇل رەتتە وزەندەردەگى سۋ دەڭگەيىنىڭ اسۋى جانە تاسقىن بولۋى, سونداي-اق جەرگىلىكتى ماڭىزى بار جولداردى سۋ باسۋى مۇمكىن.

تەمپەراتۋرا مەن جاۋىن-شاشىننىڭ جوعارىلاۋىنا بايلانىستى 2023 جىلعى 26 ناۋرىزدان 28 ناۋرىزعا دەيىن اقمولا جانە سولتۇستىك قازاقستان وبلىستارىندا قاردىڭ قارقىندى ەرۋى, ەرىگەن اعىندى سۋلاردىڭ پايدا بولۋى, مۇز قۇبىلىستارىنىڭ السىرەۋى جانە وزەندەردە سۋ دەڭگەيىنىڭ كوتەرىلۋى كۇتىلەدى, بۇل رەتتە سۋ تاسقىنى بولۋى مۇمكىن.

26 ناۋرىزدا سولتۇستىك قازاقستان وبلىسىنىڭ وڭتۇستىگىندە تۇندە جانە تاڭەرتەڭ تۇمان كۇتىلەدى. وڭتۇستىك-باتىستان سوعاتىن جەل ەكپىنى وبلىستىڭ سولتۇستىگىندە, باتىسىندا, وڭتۇستىگىندە سەكۋندىنا 15-20 مەترگە جەتەدى. اۋا تەمپەراتۋراسى كۇندىز 4-9 گرادۋس جىلى بولادى دەپ كۇتىلەدى. پەتروپاۆلدا 26 ناۋرىزدا وڭتۇستىك-باتىستان جەل سوعادى, كۇندىز ەكپىنى سەكۋندىنا 15-20 مەترگە جەتەدى. اۋا تەمپەراتۋراسى كۇندىز 5-7 گرادۋس جىلى بولادى دەپ كۇتىلەدى.

26 ناۋرىزدا تۇندە ماڭعىستاۋ وبلىسىنىڭ باتىسىندا تۇمان تۇسەدى.

اقتاۋدا 26 ناۋرىزعا قاراعان ءتۇنى تۇمان كۇتىلەدى.

25 ناۋرىز ساعات 21:00-دەن 26 ناۋرىز 21:00-گە دەيىن وسكەمەن, ريددەر قالالارىندا قولايسىز اۋا رايىنا بايلانىستى ەكىنشى دارەجەلى قولايسىز مەتەورولوگيالىق جاعداي (قمج) تۋرالى ەسكەرتۋ ساقتالادى.

25 ناۋرىز ساعات 21:00-دەن 26 ناۋرىز 21:00-گە دەيىن سەمەي قالاسىندا قولايسىز اۋا رايىنا بايلانىستى ەكىنشى دارەجەلى قمج تۋرالى ەسكەرتۋ ساقتالادى.

استانادا 26 ناۋرىزدا تۇندە جانە تاڭەرتەڭ تۇمان كۇتىلەدى.

26 ناۋرىزدا اقمولا وبلىسىنىڭ وڭتۇستىگى مەن شىعىسىندا تۇندە جانە تاڭەرتەڭ تۇمان كۇتىلەدى. وڭتۇستىك-باتىستان, باتىستان, وبلىستىڭ سولتۇستىگىنەن سوعاتىن جەلدىڭ ەكپىنى سەكۋندىنا 15-20 مەترگە جەتەدى.

26-28 ناۋرىزدا قاراعاندى ​​وبلىسىنىڭ سولتۇستىگىندە, شىعىسىندا تۇمان كۇتىلەدى. قاراعاندىدا 26 ناۋرىزدا تۇندە جانە تاڭەرتەڭ تۇمان كۇتىلەدى.

2023 جىلعى 24 ناۋرىزدان 26 ناۋرىزعا دەيىنگى كەزەڭدە اقتوبە (قوبدى, مارتوك, قارعالى, حرومتاۋ, ايتەكەبي, ويىل, العىن جانە اقتوبە اۋداندارى) جانە قاراعاندى ​​(شەت, اقتوعاي) وبلىستارىندا قاردىڭ قارقىندى ەرۋى, ەرىگەن اعىن سۋدىڭ قالىپتاسۋى, مۇز قۇبىلىستارىنىڭ السىرەۋى جالعاسادى دەپ كۇتىلەدى, بۇل رەتتە وزەندەردەگى سۋ دەڭگەيىنىڭ كۇرت كوتەرىلۋى مەن توگىلۋلەر بولۋى مۇمكىن.