25 ناۋرىزعا قاراعان ءتۇنى قاراعاندى وبلىسى وساكاروۆ اۋدانىندا جەرگىلىكتى ماڭىزى بار «پريشيمسكوە اۋىلى - شوقاي كەنتى» تاسجولىنىڭ بويىندا جولاۋشىلار مىنگەن اۆتوبۋس قار قۇرساۋىندا قالعان, دەپ حابارلايدى Egemen.kz.
قاراعاندى وبلىسى تجد مالىمەتىنشە, استانا-الماتى باعىتىمەن كەلە جاتقان اۆتوبۋس وساكاروۆكادان 50 شاقىرىم جەردە توقتاعان. وقيعا ورنىنا تجد كۇشتەرى جىبەرىلگەن.
ء«ورت ءسوندىرۋشى-قۇتقارۋشىلار اۆتوبۋستان 28 ادامدى, ونىڭ ىشىندە ءبىر بالانى وساكاروۆكا اۋىلىنا ەۆاكۋاتسيالادى. جولاۋشىلاردىڭ ءبىرى دەنساۋلىعىنا بايلانىستى اۋرۋحاناعا جەتكىزىلدى. قالعاندارى مەديتسينالىق كومەكتى قاجەت ەتپەدى», دەلىنگەن حابارلامادا.
قاراعاندى وبلىسىنىڭ تجد وكىلدەرى اۋا رايى ناشارلاعان كەزدە الىس جولعا شىقپاۋ كەرەگىن ەسكەرتتى.