كەشە نيۋ-يوركتەگى بۇۇ شتاب-پاتەرىندە قازاقستان رەسپۋبليكاسىنىڭ ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆانىڭ بۇۇ باس حاتشىسى انتونيۋ گۋتەرريشپەن كەزدەسۋى ءوتتى, دەپ حابارلايدى Egemen.kz.
«بۇۇ-نىڭ 2023 سۋ كونفەرەنتسياسىندا قازاقستاندىق دەلەگاتسيانى باسقارىپ وتىرعان مينيستر بۇۇ باس حاتشىسىن قازاقستاننىڭ سۋ رەسۋرستارىن ورنىقتى باسقارۋ سالاسىنداعى جوسپارلارى تۋرالى حاباردار ەتتى. باس حاتشى قازاقستاننىڭ كۇش-جىگەرىن جوعارى باعالاپ, قازاقستاننىڭ ورنىقتى دامۋ ماقساتتارىنا (ودم) قول جەتكىزۋ سالاسىنداعى بەلسەندى ۇستانىمىن اتاپ ءوتتى», دەلىنگەن ەكولوگيا مينيسترلىگى تاراتقان اقپاراتتا.
كەلىسسوزدەر بارىسىندا الماتى قالاسىنداعى ورتالىق ازيا جانە اۋعانستان ەلدەرى ءۇشىن ومد بويىنشا بۇۇ وڭىرلىك حابىن قۇرۋ قازاقستاننىڭ باستاماسى دا تالقىلاندى.