17 ناۋرىز تۇلكىباس اۋداندىق پب-نە جەرگىلىكتى تۇرعىنداردىڭ ءبىرى ارىزدانىپ, 4 جاسار قىزىنىڭ ارىس وزەنىنە قۇلاپ كەتكەنىن مالىمدەگەن, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
سول كۇنى كەشكى ۋاقىتتا كامەلەت جاسىنا تولماعان كىشكەنتاي ءۇش قىز ەڭبەك اۋىلىنىڭ ماڭىندا اعىپ جاتقان ارىس وزەنىنە بارعان. الدىن الا بولجام بويىنشا, قىزداردىڭ ءبىرى ابايسىزدا جاعادان سۋعا قۇلاعان. ال سۋدىڭ اعىنى ونى الىپ كەتكەن.
قىزدى ىزدەۋگە تۇلكىباس اۋداندىق پوليتسيا ءبولىمىنىڭ تولىق جەكە قۇرامى مەن اۋداندىق پروكۋراتۋرا, تجم-ءنىڭ قىزمەتكەرلەرى, 30 ەرىكتى جۇمىلدىرىلدى. قازىرگى ۋاقىتتا قىزدى ىزدەۋ جۇمىستارى جان-جاقتى جۇرگىزىلىپ, وقيعانىڭ ءمان-جايى انىقتالىپ جاتىر.