«قازگيدرومەت» قوستاناي مەن ۇلىتاۋ وبلىستارىندا سۋ تاسقىنى قاۋپى تۋرالى ەسكەرتۋ جاسادى, دەپ حابارلايدى Egemen.kz.
«قازگيدرومەت» مالىمەتىنشە, 2023 جىلعى 20 مەن 22 ناۋرىز ارالىعىندا اۋانىڭ وڭ ءماندى تەمپەراتۋراسىنىڭ ساقتالۋى مەن ءارى قاراي جوعارىلاۋ بولجامىنا بايلانىستى قوستاناي وبلىسىنداعى ەلدى مەكەندەردى, شارۋاشىلىق قۇرىلىستار مەن جەرگىلىكتى ماڭىزى بار جولداردى ەرىگەن قار سۋلارىمەن سۋ تاسقىنى قاۋپى بولۋى مۇمكىن. قوستاناي وبلىسىنىنىڭ وڭتۇستىگىندە (ناۋىرزىم, جانگەلدى, امانگەلدى جانە ارقالىق ق. اۋدانى) قارقىندى قار ەرۋى, ەرىگەن قار اعىندىسىنىڭ قالىپتاسۋى, مۇزدىق قۇبىلىستاردىڭ السىرەۋى, وزەندەردە سۋ دەڭگەيلەرىنىڭ كوتەرىلۋى ساقتالادى, بۇل رەتتە سۋدىڭ جايىلۋى جانە تاسقىنى بولۋى مۇمكىن.
«2023 جىلعى 20 مەن 21 ناۋرىز ارالىعىندا ۇلىتاۋ ( ۇلىتاۋ, جاڭاارقا اۋداندارىنىڭ سولتۇستىگى) وبلىسىندا اۋانىڭ وڭ ءماندى تەمپەراتۋراسىنىڭ ساقتالۋى مەن ءارى قاراي جوعارىلاۋ بولجامىنا سايكەس قارقىندى قار ەرۋى, ەرىگەن قار اعىندىسىنىڭ قالىپتاسۋى, مۇزدىق قۇبىلىستاردىڭ السىرەۋى جانە وزەندەردە سۋ دەڭگەيلەرىنىڭ كوتەرىلۋى ساقتالادى, بۇل رەتتە سۋدىڭ جايىلۋى جانە تاسقىنى بولۋى مۇمكىن», دەلىنگەن حابارلامادا.