قازاقستاندىق بەيبىت جۇقاەۆ (318 ATP) جۇلدە قورى 25 مىڭ اقش دوللارىن قۇرايتىن شۆەيتساريانىڭ تريمباح قالاسىندا ءوتىپ جاتقان ITF سەرياسى ءتۋرنيرىنىڭ فينالىنا شىقتى, دەپ حابارلايدى Egemen.kz قازاقستان تەننيس فەدەراتسياسىنا سىلتەمە جاساپ.
جارتىلاي فينالدا اقتاۋ تۋماسى جارىستىڭ ءبىرىنشى راكەتكاسى اۆستريالىق ماكسيميليان ءنويحريستتى (250 ATP) 6:3, 6:4 ەسەبىمەن ۇتتى.
فينالدا جۇقاەۆ پولە كاسپەر جۋكپەن (258 ATP) وينايدى. ويىن بۇگىن, 19 ناۋرىزدا وتەدى.
بۇدان بۇرىن حابارلانعانداي, الەكساندر بۋبليك (46 ATP) فينيكستە (اقش) ءوتىپ جاتقان چەللەندجەردىڭ جارتىلاي فينالىنا وتە المادى. قازاقستاندىق سپورتشى شيرەك فينالدا گەرمانيا وكىلى يان-لەننار شترۋففتان (134 ATP) 4:6, 6:3, 4:6 ەسەبىمەن جەڭىلىپ قالدى.