بۇگىنگى ساياسي دودادان قالىس قالماي, ءوز تاڭداۋلارىن جاساۋعا كەلگەن ءاربىر جانعا ناۋرىز كوجە ۇسىنىلدى. قاراتالدىق ەرىكتىلەر كوكتەمگى جاڭارۋ مەرەكەسى قارساڭىندا بولعان سايلاۋ ناۋقانىندا ۇلكەن ءمان بارىن ايتتى, دەپ حابارلايدى Egemen.kz.
كوپشىلىك ءبىر-ءبىرىن مەرەكەلەرىمەن قۇتتىقتاپ, جۋىق ارادا «كورىسۋ كۇنى» وتكەنىن, الدا ءاز-ناۋرىز مەيرامى ەكەنىن تىلگە تيەك ەتتى. سونداي-اق اۋدان حالقى بارشا ۇلت پەن ۇلىس وكىلدەرى بىرىگىپ, جۇدىرىقتاي جۇمىلسا, ەلىمىزدىڭ وركەندەي تۇسەرىنە سەنىم ءبىلدىردى.
سايلاۋ ۋچاسكەلەرىندە اۋدان ونەرپازدارى ءوز ونەرلەرىن پاش ەتىپ, بارشا حالىققا ەرەكشە كوڭىل كۇي سىيلاپ جاتىر. كۇمبىرلەگەن كۇي, اسەم ءان, ادەمى جىر, ءبارى-ءبارى حالىققا ارنالدى. كوپشىلىك ءوز تاڭداۋلارىن جاساعاننان كەيىن, ۇيلەرىنە اسىقپاستان انشىلەردىڭ ونەرلەرىن تاماشالادى. ولار سايلاۋدا ءوز داۋىستارىن بەرگەندەرى ارقىلى بولاشاعىمىزعا ىقپال ەتكەندەرىنە سەنىمدى.
ناۋرىز كوجەدەن اۋىز تيگەن جاستار جاعى ۇلكەندەردەن كوجەنىڭ دايىندالۋ جولىن سۇراستىرىپ, پايدالى ماعلۇماتقا قانىعىپ قايتتى.