ەندى قازاقستاندىق كولىك جۇرگىزۋشىلەرى وزىمەن بىرگە مىندەتتى ساقتاندىرۋ ءپوليسىن الىپ جۇرۋگە مىندەتتى ەمەس, ويتكەنى ونىڭ تسيفرلىق انالوگى پايدا بولدى. بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى حابارلادى, دەپ جازادى Egemen.kz.
تسيفرلىق دامۋ مينيسترلىگىنىڭ مالىمەتىنشە, تاياۋدا تسيفرلىق قۇجاتتار سەرۆيسى تاعى ءبىر قۇجاتپەن تولىققان. ول ءاربىر كولىك جۇرگىزۋشىسىندە بولۋى ءتيىس قۇجات – مىندەتتى ساقتاندىرۋ ءپوليسى. ساقتاندىرۋ ءپوليسى – كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىگىن ساقتاندىرۋدىڭ مىندەتتى ءتۇرى بويىنشا ساقتاندىرۋشى مەن ساقتانۋشى اراسىنداعى شارتتىق قاتىناستاردىڭ دەرەگىن راستايتىن قۇجات.
«باسقا تسيفرلىق قۇجاتتار سەكىلدى ساقتاندىرۋ ءپوليسى دە قاعاز قۇجاتپەن قاتار زاڭدى كۇشىنە يە جانە ساقتاندىرۋ كومپانياسى, ساقتاندىرۋ ءپوليسىنىڭ مەرزىمى جانە ت. ب. تۋرالى اقپاراتتى قامتيدى. مينيسترلىك حالىققا ىڭعايلى بولۋ ءۇشىن قۇجاتتاردى تسيفرلاندىرۋ جۇمىسىن جالعاستىرادى», دەيدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين.