ورداباسى اۋداندىق پوليتسيا ءبولىمىنىڭ قىزمەتكەرلەرى ەسىرتكى قىلمىسىنىڭ الدىن الۋ, بولدىرماۋ باعىتىندا كۇندەلىكتى رەيدتىك-پروفيلاكتيكالىق شارالاردى جۇزەگە اسىرادى. وسىنداي كەزەكتى تەكسەرۋ كەزىندە ءتارتىپ ساقشىلارى ءوز ۇيىندە ەسىرتكى ساقتاعان ەكى بىردەي تۇرعىندى انىقتادى, دەپ حابارلايدى Egemen.kz Polisia.kz سايتىنا سىلتەمە جاساپ.
ناقتىراق ايتساق, ورداباسى اۋداندىق پوليتسيا ءبولىمىنىڭ كريميناليستەرى قىزمەتتىك ءيتتىڭ كومەگىمەن اقپارات بويىنشا كۇدىكتى دەپ تانىلعان تۇرعىننىڭ ۇيىنە ءتىنتۋ جۇرگىزدى. ناتيجەسىندە ەر ادامنىڭ ۇيىنەن 11 ورىنعا جاسىرىلعان 11 ەسىرتكى وراماسى تابىلدى.
زەرتتەۋگە ۇسىنىلعان زات جالپى سالماعى 130 گرامعا جۋىق كەپتىرىلگەن ماريحۋانا بولىپ شىقتى. ال ەكىنشى تۇرعىننىڭ ۇيىنە جۇرگىزىلگەن ءتىنتۋ شارالارى كەزىندە ەر ادامنىڭ ۇيىندەگى ديۆانىنىڭ استىنان زاڭمەن تىيىم سالىنعان ىشىندە ەسىرتكىگە ۇقساس زاتى بار ءبىر قاعاز وراماسى تابىلدى. ول دا سالماعى 19 گرامعا جۋىق كەپتىرىلگەن ماريحۋانا بولىپ شىقتى.
اتالعان جايتتار قر قك-ءنىڭ 296-بابى 3-بولىگىمەن (ەسىرتكى, پسيحوتروپتىق زاتتارمەن, سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) تىركەۋگە الىندى. قازىر سوتقا دەيىنگى تەرگەۋ امالدارى جۇرگىزىلىپ جاتىر.