الەمنىڭ 46-راكەتكاسى الەكساندر بۋبليك اقش-ءتا وتىپ جاتقان ATP Challenger Tour Arizona Tennis Classic ءتۋرنيرىن جەڭىسپەن باستادى دەپ حابارلايدى Egemen.kz.
جارىستىڭ ءتورتىنشى راكەتكاسى بولىپ تىركەلگەن قازاقستاندىق تەننيسشى باستاپقى كەزدەسۋىن رەيتينگتە 90-ورىندا تۇرعان امەريكالىق دەنيس كۋدلامەن وتكىزدى.
ماتچ قورىتىندىسى بويىنشا بۋبليك 7:6 (11:9), 4:6, 6:2 ەسەبىمەن جەڭىسكە جەتتى. 2 ساعات 13 مينۋتقا سوزىلعان باسەكە بارىسىندا الەكساندر بۋبليك 5 ەيس جاساپ, 11 برەيك-پوينتتىڭ تورتەۋىن پايدالاندى. قارسىلاسى 4 ەيس, 3 برەيكپەن كوزگە ءتۇستى.
بۋبليك شيرەك فينالعا شىعۋ ءۇشىن الەمنىڭ 93-راكەتكاسى, قىتايلىق چجي-چجەن چجان نەمەسە رەيتينگتە 130-ساتىدا تۇرعان اۋستراليالىق رينكي حيدجيكاتانىڭ بىرەۋىمەن باق سىناسادى.