ەلوردادا «سالاماتتى ءومىر سالتىن قالىپتاستىرۋ» اكتسياسى ۇيىمداستىرىلدى. ءىس-شارا كەزىندە قازاقستان حالىق پارتياسىنىڭ وكىلدەرى مەن تۇرعىندار قالا كوشەلەرىمەن جۇگىرىپ ءوتتى.
مارافوننىڭ ماقساتى – قالا تۇرعىندارىنا سالاماتتى ءومىر سالتىن ناسيحاتتاپ, سپورتپەن اينالىسۋعا شاقىرۋ. سونداي-اق تاياۋ كۇندەرى وتەتىن سايلاۋعا ۇگىت-ناسيحات جۇمىستارىن جۇرگىزۋ.
«قوزعالىس – ءومىردىڭ ءمانى! دارىگەرلەردىڭ ايتۋىنشا, ادام دەنساۋلىعىنىڭ 50 پايىزى سالاماتتى ومىرمەن ۇشتاسقان. سوندىقتان دا مىندەتتى تۇردە ارنايى سپورت زالدارىنا بارماي-اق, دەنە قوزعالىسىن جاساسا بولادى», دەدى پارلامەنت ءماجىلىسى دەپۋتاتتىعىنا كانديدات نۇرداۋلەت ورازحانوۆ.
پارتيالىقتار 19 ناۋرىزدا پارلامەنت ءماجىلىسى مەن ءماسليحات دەپۋتاتتارىنىڭ سايلاۋى وتەتىنىن تاعى ءبىر ەسكە سالدى. «حالىق پارتياسى ءادىل سايلاۋدى قولدايدى. پارتيانىڭ سايلاۋالدى باعدارلاماسىنىڭ نەگىزگى ۇستانىمى – بيلىك پەن بايلىق حالىققا تيەسىلى!», دەدى پارتيالىقتار.
پارلامەنت ءماجىلىسى دەپۋتاتتىعىنا كانديداتتار نۇرداۋلەت ورازحانوۆ پەن نايليا اپپاسوۆا ەلورداداعى «KEGOC» اق ۇجىمىمەن كەزدەستى. ولار قىزمەتكەرلەردى پارتيانىڭ سايلاۋالدى باعدارلاماسىن تانىستىردى.
الدىمەن سپيكەرلەر حالىق پارتياسى قازاقستانداعى كاپيتاليزمنىڭ قالىپتاسقان جۇيەسىن وزگەرتۋ نيەتتى ەكەنىن اتاپ ءوتتى. مۇنان سوڭ پارتيا وكىلدەرى سايلاۋشىلاردىڭ ەلىمىزدەگى كەدەيشىلىكتى جويۋ مەن مىندەتتى مەديتسينالىق ساقتاندىرۋعا قاتىستى ساۋالدارىنا جاۋاپ بەردى.
«حالىق پارتياسى قۋاتتى ورتا تاپ قۇرۋ جانە جۇمىسسىزدىقتى, كەدەيشىلىك پەن قايىرشىلىقتى جويۋدى, شەتەلدىك ينۆەستورلارمەن كەلىسىم-شارتتاردى قايتا قاراۋدى, وليگارحتاردىڭ مۇلكىن تاركىلەۋدى جاقتايدى», دەدى ولار.
«كەدەيلىك پەن از جالاقى قازاقستاندىقتاردىڭ ءومىر ءسۇرۋ ساپاسىن تومەندەتىپ قانا قويمايدى. ولاردىڭ دۇرىس تاماقتانۋىنا, ەمدەلۋىنە جانە بالالارىنا جاعداي جاساۋىن شەكتەيدى. بۇل وزەكتى ماسەلەگە اينالىپ وتىر. قازىر حالىق تومەنگى تابىسپەن بارلىق جاعدايعا ۇنەمدىلىك تانىتىپ, كۇندەلىكتى تۇتىنۋعا قاجەتتى زاتتاردى ساتىپ الۋعا قول جەتكىزە الماي كەلەدى. وسىنىڭ سالدارىنان وتاندىق ءوندىرىس پەن ىشكى نارىقتا ەكونوميكالىق قۇلدىراۋ بايقالادى», دەدى كانديداتتار.