«اۋىل» پارتياسىنان پارلامەنت ماجىلىسىنە كانديدات سەرىك ەگىزباەۆ, ەربولات ساۋرىقوۆ, بولاتبەك قىستاۋوۆ, ءىلياس دوسقوجاەۆ پەن جەرگىلىكتى ماسليحاتقا ۇمىتكەرلەر باتىس قازاقستان وبلىسىنا باردى. ولار ءىرى قايتا وڭدەۋ كاسىپورنى «جايىق ەت» جشس ۇجىمىمەن, جوعارى وقۋ ورنىنىڭ وقىتۋشىلارىمەن, ستۋدەنتتەرىمەن كەزدەستى.
«جايىق ەت» سەرىكتەستىگى – وڭىردەگى شۇجىق جانە ەت ونىمدەرىن شىعاراتىن ءىرى كاسىپورىن. ەت وڭدەۋ كەشەنى جاڭا ۇلگىدەگى زاماناۋي جابدىقپەن تولىق جابدىقتالعان. بۇگىندە جىلىنا 7000 توننا مال مەن قۇس ەتىن شىعارىپ, 100% قۋاتتىلىقتا جۇمىس ىستەيدى. بورداقىلاۋ الاڭدارى زەلەنوۆ اۋدانىندا, مال سويۋ پۋنكتى ورال قالاسىندا ورنالاسقان. كاسىپورىن ءونىمى باتىس قازاقستان, اقتوبە, اتىراۋ جانە ماڭعىستاۋ وبلىسىنىڭ نارىعىنا شىعارىلادى. سەرىكتەستىكتى «اۋىل» پارتياسى باتىس قازاقستان وبلىستىق فيليالىنىڭ توراعاسى, ەڭبەك ادامى تەمىرعالي ەسكەندىروۆ باسقارادى. جيىندا «اۋىل» پارتياسىنىڭ اگرووندىرىستىك كەشەندەر, اۋىل شارۋاشىلىعىنىڭ دامۋىنا مۇددەلى ەكەنى, سوندىقتان ۇنەمى سولاردىڭ مۇددەسىنە قىزمەت ەتەتىنى جايلى ايتىلدى.
«اۋىل» پارتياسى ۇلتتىق ءال-اۋقاتتى ارتتىرۋدىڭ تۇبەگەيلى جاڭا ساياساتىن ۇسىنىپ, ونى جۇزەگە اسىرۋعا دايىن. ءبىزدىڭ ماقسات – ەلىمىزدى يندۋستريالدى-اگرارلىق دەرجاۆاعا اينالدىرۋ جانە سول ارقىلى ازىق-ت ۇلىك قاۋىپسىزدىگى دەڭگەيى وتە جوعارى مەملەكەت قۇرۋ. قازاقستاننىڭ اگروونەركاسىپتىك كەشەنى ەكونوميكانى دامىتۋ ءۇشىن عانا ەمەس, جالپى مەملەكەت ءۇشىن دە ماڭىزدى ستراتەگيالىق مانگە يە. ءبىز ماجىلىسكە بارعاندا اۋىل شارۋاشىلىعى ءونىمىن وندىرۋشىلەر, ولاردى وڭدەۋشىلەر ءۇشىن الەۋمەتتىك اۋدارىمداردان باسقا سالىقتىڭ بارلىق ءتۇرىن تولىق جويۋ, وزىندىك قۇن دەڭگەيىنە دەيىن سۋبسيديالاۋدى ەنگىزۋ, اگروبيزنەستىڭ دامۋىنا كەدەرگى كەلتىرەتىن, مەملەكەتتىك ورگاندار تاراپىنان بولاتىن كەز كەلگەن شەكتەۋگە تىيىم سالۋ بويىنشا كۇرەسەمىز. «اۋىل» پارتياسى بۇگىندە ەڭبەك ادامىنىڭ مارتەبەسىن كوتەرۋ, قوعامدا جۇمىسشى ماماندىقتارىنا دەگەن وڭ كوزقاراستى قالىپتاستىرۋ, اۋىل ەڭبەككەرلەرىنىڭ ابىرويىن اسقاقتاتۋ, بەدەلى مەن تانىمالدىلىعىن ارتتىرۋ جونىندەگى بارلىق ىسكە باستاماشى, ۇيىتقى بولىپ قانا قويماي, سونىڭ زاڭناما تۇرعىسىندا ناقتى مارتەبەگە يە بولۋى ءۇشىن كۇش سالىپ ءجۇر. ءبىز ايتىلعان ماسەلەلەردىڭ وڭ شەشىم تابۋىنا سىزدەردىڭ قولداۋلارىڭىزبەن عانا قول جەتكىزەمىز», دەدى كانديدات ءىلياس دوسقوجاەۆ.