ەلىمىزدە مەرەكەلىك كۇندەردىڭ قاتارى تاعى ەكى مەيراممەن تولىقتى. بۇل تۋرالى ۇكىمەتتىڭ رەسمي سايتىندا جاريالاندى, دەپ حابارلادى Egemen.kz.
قازاقستان رەسپۋبليكاسى ۇكىمەتىنىڭ 9 ناۋرىزداعى قاۋلىسى بويىنشا «قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى №689 قاۋلىسىنا وزگەرىستەر ەنگىزىلدى.
«كورسەتىلگەن قاۋلىمەن بەكىتىلگەن قازاقستان رەسپۋبليكاسىنداعى مەرەكەلىك كۇندەردىڭ تىزبەسىندە 35 جانە 36-تارماقتار مىناداي رەداكتسيادا جازىلسىن: مۇعالىم كۇنى – 5 قازان, قورعانىس ونەركاسىبى قىزمەتكەرلەرى كۇنى – 6 قازان. وسى قاۋلى العاشقى رەسمي جاريالانعان كۇنىنەن كەيىن قولدانىسقا ەنگىزىلەدى», دەلىنگەن حابارلامادا.