تۇركىستان وبلىسى سارىاعاش اۋدانىنداعى قوجالىقتا قازاقستان بويىنشا ەڭ ءىرى قوي تىركەلدى. بۇل تۋرالى قازاقستان رەكوردتار كىتابىنىڭ رەسمي وكىلى قۋانىش قۇدايبەرگەنوۆ حابارلادى, دەپ جازادى Egemen.kz.
«قازاقستاننىڭ كينەس رەكوردتار كىتابىنا «ميلليون» اتتى قوشقارىم تىركەلەيىن دەپ جاتىر. استانادان ارنايى مامان كەلىپ, تارازىنىڭ دۇرىستىعىن گيريالارمەن تەكسەردىك. ەت-ماي ونىمدىلىگى باعىتىنداعى تۇقىمدى تىركەسەك, بۇل تمد ەلدەرى اراسىندا عانا ەمەس, بۇكىل دۇنيەجۇزى بويىنشا ۇلكەن جەتىستىك», دەدى قۋانىش مىقتىباەۆ.
كينەس رەسمي وكىلى قۋانىش قۇدايبەرگەنوۆ مۇنى الەم رەكوردىنا ءتان كورسەتكىشتەردىڭ ءبىرى ەكەنىن اتاپ ءوتتى.
قوشقار يەسى قۋانىش مىقتىباەۆ بۇل رەكوردتىڭ تمد مەن دۇنيەجۇزىندە دە ۇلكەن جەتىستىك ەكەنىن ايتادى.
«ناقتى سالماعى – 230 كگ. قازاقستان رەكوردتار كىتابى اتىنان سەرتيفيكات قۋانىش مىقتىباەۆقا تاپسىرىلادى جانە ەت-ماي ونىمدىلىگى باعىتىنداعى قوشقاردىڭ سالماعى 230 كگ ەكەنىن راستايدى, ەلىمىزدەگى ەڭ ءىرى سالماقتى قوي رەتىندە تىركەيدى», دەدى قۋانىش قۇدايبەرگەنوۆ.