اۆتوبۋستان اقاۋ شىعىپ 63 جولاۋشى جولدا قالىپ قويدى, دەپ حابارلايدى Egemen.kz.
اۆتوبۋس ورتا جولدا بۇزىلىپ قالعان. وقيعا ايتەكە بي اۋدانى قارابۇتاق–قوستاناي تاس جولىندا بولدى. اۋا رايىنىڭ قولايسىزدىعى ولاردى جەدەل تۇردە باسقا كولىككە اۋىستىرۋعا كەدەرگى كەلتىرگەن. جولاۋشىلار بۇزىلىپ قالعان اۆتوبۋستىڭ ىشىندە ۇزاق كۇتۋگە ءماجبۇر بولدى.
وقيعا تۋرالى حابارلاما ايماقتىق تج باسقارماسىنا كەلىپ تۇسكەن سوڭ بىردەن پاترۋلدىك توپتار جىبەرىلدى. ولار جولاۋشىلاردى جاقىن ماڭداعى اۋىلعا جەتكىزىپ, جەرگىلىكتى مەكتەپكە ورنالاستىرعان. اۆتوبۋستا 63 جولاۋشى بولعان. ولاردىڭ 60-ى وزبەكستان ازاماتتارى. تج باسقارماسى جول اشىلعاننان كەيىن جولاۋشىلارعا باسقا اۆتوبۋس جىبەرىلەتىنىن ايتتى.