لاتىن امەريكاسىندا ءىرى قارا مالداردان اۋرۋ تابىلعانى تۋرالى اقپارات تارادى. وسىعان بايلانىستى قازاقستان برازيليادان ەت ونىمدەرىن يمپورتتاۋعا 1 جىلعا تىيىم سالدى, دەپ حابارلايدى Egemen.kz.
اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتى سيىر ەتى مەن ودان جاسالعان ونىمدەردى اكەلۋگە ۋاقىتشا شەكتەۋ ەنگىزدى. تىيىم تەك برازيليادان كەلەتىن ەتكە قولدانىلادى. بۇعان دەيىن لاتىن امەريكاسى ەلىندە ء ىرى قارا مالدىڭ گۋبكا ءتارىزدى ەنتسەفالوپاتياسى (BSE) انىقتالعانى تۋرالى اقپارات تاراعان.
ساراپشىلاردىڭ پىكىرىنشە, شەكتەۋ شارالارى ءونىم باعاسىنىڭ وسۋىنە اكەلۋى مۇمكىن. ويتكەنى قازاقستان برازيليادان سيىر ەتىن تومەن باعاعا ساتىپ الادى. يمپورتقا تىيىم سالعاندىقتان باعا 20-30 پايىزعا دەيىن كوتەرىلەدى.