ايماق دامۋىنا – ايرىقشا نازار

ە.ەرتىسباەۆ پاۆلودارداعى  «ۋپنك-پۆ» جشس ەڭبەك ۇجىمىمەن كەزدەسىپ, پارتيانىڭ سايلاۋالدى باعدارلاماسىن تانىستىردى. زاۋىت كۇيدىرىلگەن مۇناي كوكسىن وندىرۋمەن اينالىسادى جانە ەكسپورتقا ءونىم جونەلتەدى. پارتيا توراعاسى زاۋىت جۇمىسشىلارىنا قازاقستان حالىق پارتياسىنىڭ سايلاۋالدى باعدارلاماسىندا سوتسيال-دەموكراتيالىق باعىتقا باسىمدىق بەرىلگەنىن باياندادى. «الەۋمەتتىك ادىلەتتىلىك يدەياسى حالىق اراسىندا ومىرشەڭدىگىن ساقتاپ تۇر, ونى جۇزەگە اسىراتىن ۋاقىت كەلدى», دەدى قحپ توراعاسى.

حالىق پارتياسى دەموكراتيانى, مەملەكەتتىك باس­قارۋ مەن باسقا دا جەتەكشى سالالارداعى رەفورمالار­دى, تەگىن مەديتسينا مەن ءبىلىم بەرۋدى, تۇرعىن ءۇي باع­دار­لاماسىن جۇزەگە اسىرۋدى, ايماقتاردى دامى­تۋ­دى, وليگارحيامەن كۇرەسۋدى, كۇشتى مەملەكەت قا­لىپ­­تاستىرۋدى جاقتايدى. ورتا تاپ پەن ەلدىڭ بارلىق ازا­ماتىنىڭ ءومىر ءسۇرۋ دەڭگەيىن كوتەرۋدى قولدايدى.

«ەڭبەك زاڭناماسىن تۇبەگەيلى وزگەرتۋ كەرەك, – دەدى ەرمۇحامەت ەرتىسباەۆ. – كودەكس جۇمىس بەرۋشىلەردىڭ عانا ەمەس, قىزمەتكەرلەردىڭ دە قۇقىعىن قورعاۋى كەرەك. سونىمەن قاتار ءبىزدىڭ پارتيا اۋىر جانە قاۋىپتى وندىرىستەردە جۇمىس ىستەيتىندەردىڭ زەينەت جاسىن تومەندەتۋدى جاقتايدى.

بۇدان سوڭ پارتيا توراعاسى سايلاۋالدى ۇگىت-ناسيحات جۇمىسى اياسىندا قالالىق مادەنيەت سارا­يىندا حالىقپەن كەزدەستى. ءىس-شارا بارىسىندا قحپ توراعاسى قالا تۇرعىندارىنا پارتيانىڭ سايلاۋالدى باعدارلاماسىن قىسقاشا تانىستىرىپ, سايلاۋ­شىلارمەن پىكىر الماستى. ۇگىت-ناسيحات جۇمىسى سۇراق-جاۋاپ فورماتىندا ءوتتى.

ال پارلامەنت ءماجىلىسى دەپۋتاتتىعىنا كانديدات, قحپ جەتىسۋ وبلىستىق فيليالىنىڭ توراعا­سى قاحارمان جاقسىلىق «تالدىقورعان وبلىس­­تىق ايەلدەردى قولداۋ ورتالىعى» قوعامدىق بىرلەس­­تىگىنىڭ ۇجىمىنا سايلاۋالدى ۇگىت-ناسيحات جۇمى­سىن جۇرگىز­دى. ول حالىق پارتياسى ايەلدەردىڭ 58 جاس­تان زەينەت­كە شىعۋ قوزعالىسىن قولداعانىن, ناتي­جەسىن­دە 61 جاستان زەينەتكە شىعۋعا 5 جىل مورا­توري جاريالانعانىن اتاپ ءوتتى. «حالىق پار­تيا­سىنىڭ سايلاۋالدى باعدارلاماسىندا كوپ­بالالى انالارعا, تولىق ەمەس وتباسى مەن مۇم­كىندىگى شەكتەۋلى بالاسى بار انالارعا قولداۋ كور­سەتۋگە باسىمدىق بەرىلگەن», دەدى ق.جاقسىلىق.