دەنساۋلىق ساقتاۋ مينيسترلىگى ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار قىزمەتكەرلەرىنە, قازىنالىق كاسىپورىندار قىزمەتكەرلەرىنە ەڭبەكاقى تولەۋ جۇيەسىنە بىرقاتار تولىقتىرۋ ەنگىزىلەتىنىن حابارلادى, دەپ جازادى Egemen.kz.
اتاپ ايتقاندا, جەدەل مەديتسينالىق جاردەم ستانتسيالارىنىڭ جۇرگىزۋشىلەرىنە, العاشقى مەديتسينالىق-سانيتارلىق كومەك كورسەتەتىن دەنساۋلىق ساقتاۋ ۇيىمدارىنىڭ جانىنداعى جەدەل مەديتسينالىق جاردەم بولىمشەلەرىنە ء(موبيلدى بريگادالارعا) ەرەكشە جۇمىس جاعدايلارى ءۇشىن بازالىق لاۋازىمدىق جالاقىعا (35 394 تەڭگە) قوسىمشا اقى تولەۋ ۇسىنىلادى.
دەنساۋلىق ساقتاۋ مينيسترلىگى جەدەل جاردەم جۇرگىزۋشىلەرى قيىن جاعدايدا ءجيى تاپ بولاتىنىن, حالىققا العاشقى كومەك كورسەتەتىنىن, قازاقستاندىقتاردىڭ ءومىرىن ساقتاپ قالۋعا قاتىساتىنىن اتاپ ءوتتى.
تۇسىندىرىلگەندەي, مىندەتتى تۇردە العاشقى كومەك كۋرستارىنان وتۋگە جاتاتىن مەديتسينالىق ءبىلىمى جوق ادامدار كونتينگەنتىنە مەديتسينالىق ءبىلىمى جوق دەنساۋلىق ساقتاۋ ۇيىمدارىنىڭ قىزمەتكەرلەرى, ونىڭ ىشىندە جەدەل جاردەم جۇرگىزۋشىلەرى دە كىرەدى.
مينيسترلىك وكىلدەرى ناقتىلاعانداي, 2023-2025 جىلدارعا ارنالعان قاراجاتقا قوسىمشا قاجەتتىلىك 13 369 ملن تەڭگەنى قۇرايدى. وسىلايشا, 11 096 جۇرگىزۋشىگە قوسىمشا اقى تولەنەدى.
قۇجات 28 ناۋرىزعا دەيىن اشىق تالقىلاۋ ءۇشىن اشىق نقا سايتىندا ورنالاستىرىلعان.