جاپونيانىڭ سولتۇستىگىندە جىل سايىن تەڭىز جاعاسىندا 40 مىڭ توننا تەڭىز باقالشاقتارى قالدىعى جينالىپ قالادى. جاپوندىقتار ونى ىسكە جاراتىپ, قالدىقتان ارىلۋدىڭ جانە جاڭا ءوندىرىستىڭ كوزىن تاپقان, دەپ حابارلايدى Egemen.kz.
سارۋفۋتسۋ اۋىلىنىڭ اكىمدىگى Tbwa\Hakuhodo اگەنتتىگىمەن, Quantum ستارتاپىمەن جانە Koushi Chemical Industry پلاستماسسا وندىرۋشىسىمەن بىرلەسىپ, تەڭىز باقالشاقتارىن پايداعا جاراتۋدىڭ شەشىمىن تاپقان. ولار باقالشاقتاردان ەكولوگيالىق تازا جۇمىسشى باس كيىمىن جاساي باستاعان. بۇل پلاستماستى پايدالانۋدى ازايتادى.
SHELLMET پلاستيكتەن جاسالعان باس كيىمدەرمەن سالىستىرعاندا CO2 شىعارىندىلارىن 36 پايىزعا ازايتۋعا ىقپال ەتەدى. ناتيجەسىندە ەكو باس كيىم جەرگىلىكتى قوعامداستىقتىڭ الدىندا تۇرعان ەكولوگيالىق ماسەلەنى جەڭىلدەتەدى جانە قالدىقتاردى ايتارلىقتاي ازايتادى.