الەۋمەت الەۋەتىن ارتتىرۋ مۇمكىندىگى

كەزدەسۋ بارىسىندا قاتىسۋشىلارعا ۇگىت-ناسيحات ماتەريالداردى تاراتىلدى, سونداي-اق ەلدە ورتا تاپ قۇرۋ جانە كەدەيلىكتى جويۋ مىندەتى قويىلعان پارتيانىڭ سايلاۋالدى باعدارلاماسىنىڭ نەگىزگى باعىتتارى ءتۇسىندىرىلدى.

پارتيالاستاردىڭ پىكىرىنشە, بۇعان كەدەيلىككە قارسى زاڭ قابىلداۋ, سونداي-اق سالىق ساياساتىنا دۇرىس كوزقاراستى قالىپتاستىرۋ ارقىلى قول جەتكىزۋگە بولادى. اتاپ ايتقاندا, وتانداستار ءونىمى مەن قىزمەتتەرىنەن قوسىمشا قۇن سالىعىن الىپ تاستاۋ, ءىرى كومپانيالارعا قاتىستى پروگرەسسيۆتى سالىق سالۋ شكالاسىن ەنگىزۋ, شاعىن جانە ورتا بيزنەستى كرەديتتەۋ كەزىندە دەلدالداردى جويۋ, سونداي-اق كاسىپكەرلەرگە مەملەكەت تاراپىنان بەرىلەتىن نەسيە ءتارتىبىن ايقىنداۋ قاجەت.

«باعدارلامانىڭ نەگىزگى ماقساتى – ەلدىڭ بيلىگى مەن بايلىعى حالىققا تيەسىلى بولۋى كەرەك, ياعني سايلاۋدان كەيىن قازاقستاندا حالىقتىق ۇكىمەت, ىقپالدى پارلامەنت, تاۋەلسىز سوتتار جانە حالىق سايلاعان اكىمدەر سايلاۋشىلارعا قىزمەت ەتۋى قاجەت. ول ءۇشىن سايلاۋعا كەلىڭىز, داۋىس بەرىڭىز! جاڭا قازاقستاندى قۇرۋعا بەلسەندى قاتىسىڭىز», دەدى نۇرداۋلەت ورازحانوۆ.

ال پارلامەنت ءماجىلىسىنىڭ دەپۋتاتتىعىنا كانديدات, پارتيا توراعاسىنىڭ ورىنباسارى اسحات اسىلبەكوۆ اتىراۋ قالاسىنداعى «كوكتەم» بازارىندا سايلاۋالدى ۇگىت-ناسيحات جۇمىستارىن جۇرگىزدى.

پارتيا وكىلى اتىراۋ جۇرتىمەن جۇزدەسكەندە حالىق پارتياسى ايەلدەردى 58 جاستا زەينەتكە شىعۋدى قولداپ باستاما كوتەرگەنىن ايتتى. ناتيجەسىندە ۇكىمەت زەينەت جاسىن كوتەرۋگە 5 جىلعا موراتوري ەنگىزدى. سونداي-اق پارتيا ااك-تەن باس تارتىپ, ونىڭ ورنىنا بالالار جاردەماقىسىنىڭ مولشەرىن 70 000 تەڭگەگە دەيىن كوبەيتۋ كەرەك دەپ ەسەپتەيدى. قازاقستانداعى الەۋمەتتىك تەڭسىزدىك سالدارىنان بۇگىندە 3 ميلليونعا جۋىق ادام كەدەيلىكتە ءومىر ءسۇرىپ وتىر. سوندىقتان قحپ «كەدەيلىكپەن كۇرەس تۋرالى» زاڭنىڭ قابىلدانۋىن تالاپ ەتەدى جانە بۇگىنگى كۇنگە ەڭ تومەنگى جالاقى 140 مىڭ تەڭگە بولۋى كەرەك دەپ سانايدى.

كەزدەسۋدە كوتەرىلگەن تاعى ءبىر ماسەلە – شاعىن جانە ورتا كاسىپكەرلىكتى دامىتۋ. «بۇل – الەۋمەتتىڭ الەۋەتىن ارتتىرۋعا ۇلكەن مۇمكىندىك. سوندىقتان  مەملەكەت جاڭا سالىق ساياساتىن ەنگىزۋى كەرەك», دەدى كانديدات.