ەلوردادا 8 ناۋرىز حالىقارالىق ايەلدەر كۇنىنە وراي كونكۋردان قىزدار اراسىندا اشىق بىرىنشىلىك وتەدى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
استانا, قاراعاندى, الماتى, اقمولا وبلىستارىنان كەلگەن شاباندوزدار 8 ناۋرىزدا «ارعىماق» ات-ساۋىقتىرۋ سپورت كەشەنىندە ۇزدىكتەردى انىقتايدى.
بايقاۋعا قاتىسۋشىلار بيىكتىگى مەن كۇردەلىلىگى بويىنشا 4 باعىتتا جارىسادى:
ءبىرىنشى سانات – «اۋەسقويلار ساناتى, 105 سم»;
ەكىنشى سانات – «بالالار ساناتى 12-15 جاس, 110 سم»;
ءۇشىنشى سانات – «اشىق سىنىپ ساناتى, 120 سم»;
ءتورتىنشى سانات – «ەكى كەزەڭنەن تۇراتىن اشىق ساناتى, 120 سم»
جارىستىڭ جالپى جۇلدە قورى 6 000 000 تەڭگە.
ءىس-شارا استانا قالاسى اكىمدىگىنىڭ قولداۋىمەن جانە استانا قالاسىنىڭ ۇلتتىق جانە وليمپيادالىق ات سپورتى تۇرلەرىنىڭ فەدەراتسياسىنىڭ ۇيىمداستىرۋىمەن وتەدى.