جالپىۇلتتىق سوتسيال-دەموكراتيالىق پارتياسىنىڭ ءتىزىمى بويىنشا كانديداتتار ايدار اليباەۆ, تازابەك سامبەتباي, يرينا ءالىمجانوۆا جانە ءبىر مانداتتىق ايماقتىق وكرۋگ بويىنشا كانديدات بەرىك اعىباەۆ الماتى قالاسى م.گاندي ساياباعى اۋماعىندا «قۇرىلىس جانە سەيسميكالىق تاۋەكەل پروبلەمالارى» تاقىرىبىندا وتكەن ميتينگكە قاتىستى.
ءوز سوزىندە يرينا ءالىمجانوۆا الماتى مەن ونىڭ ماڭايى سەيسميكالىق تۇرعىدان العاندا بۇكىل ورتالىق ازيا ەلدەرىنىڭ ىشىندەگى ەڭ قاۋىپتى اۋماق سانالاتىنىنا توقتالدى. ال تازابەك سامبەتباي بولسا, ەلىمىزدەگى قۇرىلىس سالاسىندا جەمقورلىقتىڭ بەلەڭ العانىنا الاڭداۋشىلىق ءبىلدىردى. ءىس-شاراعا سونىمەن قاتار توتەنشە جاعدايلار مينيسترلىگىنىڭ وكىلدەرى دە قاتىستى. ميتينگ سوڭىندا رەزوليۋتسيا قابىلدانىپ, ءتيىستى ورگاندارعا جىبەرىلدى.
ال پارلامەنت ءماجىلىسىنىڭ دەپۋتاتتىعىنا پارتيا ءتىزىمى بويىنشا كانديدات انارگۇل ابەنوۆا «دوموسترويتەل» وك ۇجىمىمەن ۇگىت-ناسيحات كەزدەسۋىن وتكىزدى.
كانديداتتىڭ پىكىرىنشە, جالپىۇلتتىق سوتسيال-دەموكراتيالىق پارتيا ءوز سايلاۋالدى باعدارلاماسىنا سايكەس تۇرعىن ءۇي باعدارلامالارىن تولىقتاي قايتا قاراستىرۋعا نيەتتى. پارتيا قولجەتىمدى يپوتەكالاردى سۋبسيديالاۋدى جالعاستىرۋدى ۇسىنادى. بىراق ونىڭ شارتى وزگەرىپ, جەرگىلىكتى بيۋدجەتتەر كومەگىمەن ءارى جەرگىلىكتى ءماسليحاتتىڭ قاداعالاۋىمەن ىسكە اسىرىلۋى كەرەك.
تۇرعىندارمەن كەزدەسۋدە كانديدات حالىقتىڭ الەۋمەتتىك جاعدايىن جاقسارتۋدىڭ تىڭ تەتىكتەرىن ويلاستىرۋ قاجەت ەكەنىن العا تارتتى.
«قازاقستاندا نەسيەگە «بايلانعان» ادام كوپ. نەگىزىندە حالىقتىڭ نەسيەلەنۋ دەڭگەيى ەكونوميكالىق وسىممەن قاتار ءجۇرۋى كەرەك ەدى. ال ازاماتتاردىڭ بانك الدىنداعى قارىزى ەكونوميكالىق وسىمنەن اسىپ تۇسكەن. ۇلتتىق بانك جۇرگىزگەن ساۋالداما ناتيجەسى ەكونوميكالىق بەلسەندى نەمەسە كىشىگىرىم قىزمەتتە جۇرگەن ازاماتتاردىڭ 90 پايىزىنىڭ ايلىعى شايلىعىنان اسپايدى. دەمەك قازىر جۇرتشىلىقتىڭ قارىزسىز ءومىر ءسۇرۋى بارىنشا شەكتەلگەن. نەسيە رەسىمدەگەن كەزدە قارىز الۋشىنىڭ تولەم قابىلەتى, تابىسى ەسكەرىلەتىنى بەلگىلى. سوعان قاراماستان ءبىر ادامنىڭ ءبىر مەزگىلدە بىرنەشە نەسيەنى قاتار الۋى تىيىلماي وتىر», دەدى ول.