«بايتاق» جاسىلدار پارتياسىنىڭ رەسپۋبليكالىق شتابىنىڭ مۇشەلەرى «استاناجىلۋەنەرگو» ورتالىعى ۇجىمىمەن كەزدەسۋ وتكىزدى. شتاب باسشىسى قايرات ايتباي جينالعانداردى سايلاۋعا بەلسەندى ۇلەس قوسۋعا شاقىردى.
«الەۋمەتتىك ادىلدىك بولۋى كەرەك. ماسەلەن, كەنشىلەرگە, قازاندىقتاردا جۇمىس ىستەيتىندەرگە ۇستەمە اقى جوق, جاردەماقى قاراستىرىلماعان. ەگەر ءسىز ءوزىڭىز سايلاۋعا بارماساڭىز, داۋىس بەرمەسەڭىز, باياعى جارتاس سول جارتاس قالپىندا قالادى», دەدى قايرات ايتباي.
استانا ءماسليحاتىنىڭ دەپۋتاتتىعىنا كانديدات الىبەك قاشكەەۆ كەزدەسۋدە ەلوردانىڭ ەنەرگەتيكا ماسەلەلەرىن قوزعادى. بۇرىن ەنەرگيا تاراتۋشى كومپانيانىڭ توپ-مەنەدجەرى بولعان ول ءوزى ءمان-جايىن جاقسى بىلەتىن ماسەلەلەردى شەشۋدىڭ جولدارىن ايتتى. «بايتاق» بەلسەندىسى 10 جىلدان بەرى جىر بولعان جەو-3-ءتىڭ جايىن ەسكە سالدى. سونداي-اق ەلەكتر قۋاتىن تاريفتەۋ جانە ۇنەمدەۋ ماسەلەسىن كوتەردى.
ء«بىز ءماجىلىس پەن ماسليحاتقا اكىمدىكتىڭ ماقساتتى قارجىنى ءادىل ءبولۋى, بارلىق قىزمەت اياسىندا اكىمدىكتىڭ ءوزى تيىسىنشە جۇمىس ىستەۋى, وزىنە جۇكتەلگەن جاۋاپكەرشىلىكتەن جالتارماۋى ءۇشىن بارامىز. دەپۋتاتتىڭ ءبىر فۋنكتسياسى – اكىمنىڭ ءوزى اتقاراتىن لاۋازىمعا سايكەستىگى نەمەسە لايىق ەمەستىگى تۋرالى ماسەلە قويۋ جانە ماتەريالدى قۇقىق قورعاۋ ورگاندارىنا بەرۋ, حالىق مۇددەسى ءۇشىن قاجەت جاعدايدا ءبىز مۇنداي مۇمكىندىكتەردى ءمۇلت جىبەرمەۋىمىز كەرەك», دەدى الىبەك قاشكەەۆ.
سونداي-اق كەزدەسۋدە جەو-نى جاڭعىرتۋ ماسەلەسى تالقىلاندى. ەكولوگيا مينيسترلىگىنىڭ مالىمەتىنشە, 2022 جىلى ەلوردادا جەو-1 جانە جەو-2-گە گاز قۇبىرلارىن تارتۋ قۇرىلىسى اياقتالدى. قازىر سۋ جىلىتۋ قازاندىقتارى گازبەن جۇمىس ىستەيدى.
ال الماتىدا «بايتاق» جاسىلدار پارتياسىنىڭ بەلسەندىلەرى مەن جاس سپورتشىلار ۆەلومارافون ۇيىمداستىردى. ءىس-شاراعا قاتىسۋشىلار مادەنيەت جانە دەمالىس ساياباعىنان باستاپ, شاھار كوشەلەرى ارقىلى 10 شاقىرىمدى باعىندىردى. ساياسي قۇرىلىم وكىلدەرى وسى ارقىلى قوعام اراسىندا سالاماتتى ءومىر سالتىن قالىپتاستىرىپ, كۇندەلىكتى اۆتوكولىكتەن گورى ۆەلوسيپەدتى ءجيى پايدالانۋدى ناسيحاتتاۋدى كوزدەپ وتىر. بەلسەندىلەر جاستاردىڭ بوس ۋاقىتتارىن تازا اۋادا ءتيىمدى وتكىزۋى ماڭىزدى دەپ ەسەپتەيدى.