جۇمىسسىزدىقتى جويۋ جولدارى

كانديدات ۇجىمعا حالىق پارتياسىنىڭ سايلاۋالدى باعدارلاماسىن تانىستىردى. پارتيا «جەر مەن جەر قويناۋى حالىققا تيەسىلى» دەگەن ۇسىنىسقا باستاماشى بولىپ, بۇل تۇزەتۋ كونستيتۋتسياعا ەنگىزىلدى. حالىق پارتياسى – حا­لىقتىق كاپيتاليزمدى قولدايدى. بۇل قۋاتتى ورتا تاپ قۇرۋ جانە بيلىك پەن بايلىق حالىققا تيەسىلى قوعام قۇرۋ دەگەندى بىلدىرەدى.

كەزدەسۋدە الەۋمەتتىك سالاداعى ماسەلەلەر ايتىلدى. ء«بىز مەديتسينا مەن ءبىلىم سالاسىنىڭ حالىققا قولجەتىمدى جانە تەگىن بولعانىن تالاپ ەتەمىز. بۇگىندە ەڭ وزەكتى ماسەلە – جاستاردىڭ باسپاناعا قول جەتكىزە الماي وتىرعانى. حالىق پارتياسى وسى رەتتە بۇل ساناتتاعىلار ءۇشىن ارنايى باعدارلاما قۇرۋدى ۇسىنىپ وتىر. بۇل قوعامداعى شيەلەنىستى ازايتادى», دەدى ا.مي­ليۋتين.

ال پارتيانىڭ سايلاۋالدى ۇگىت-ناسيحات توبى «QazExpoCongress» كومپانياسىنىڭ ۇجىمىمەن كەزدەستى. وندا پارلامەنت ءماجىلىسى دەپۋتاتتىعىنا كانديدات, قحپ استانا فيليالىنىڭ توراعاسى نۇرداۋلەت ورازحانوۆ پارتيانىڭ سايلاۋالدى باعدارلاماسىن تانىستىردى.

كانديدات تۇرعىنداردىڭ باستى پروبلەماسى بولعان تۇرعىن ءۇي ماسەلەسى تۋرالى تىلگە تيەك ەتتى. قازىرگى تاڭدا تۇرعىن ۇيگە قول جەتكىزۋ حالىقتىڭ ارمانى. وسى ورايدا ن.ورازحانوۆ حالىق پارتياسى وسى ماسەلەنى شەشۋدىڭ ءتيىمدى جولىن ۇسىنىپ وتىرعانىن اتاپ ءوتتى.

– ءبىزدىڭ پارتيا اۋىل تۇرعىندارىنا يپوتەكانى سۋبسيديالاۋدى ۇسىنىپ وتىر,– دەدى ول. – قۇرىلىستىڭ نەگىزگى تىرەگى– جاستار. اۋىلداردى دامىتۋدىڭ نەگىزگى باعىتى رەتىندە ەلدى مەكەندەردىڭ ينفراقۇرىلىمىن قالپىنا كەلتىرۋ قاجەت. سونداي-اق پارتيا وكىلى اۋىلداردى جانداندىرىپ, قۇرىلىستى قارقىندى دامىتسا, ەلىمىزدەگى جۇمىسسىزدىق تومەندەيدى دەگەن پىكىردە. بۇل جاستاردىڭ اۋىلدان كەتۋىنە تەجەۋ بولادى. قازىر كەدەيشىلىك شكالاسى قىزىل سىزىققا تاياۋ. جاستار اراسىندا جۇمىسسىزدىق جويىلماي كەلەدى. ءبارى اۋىل­دى تاستاپ, قالاعا ۇمىتىلادى. كوپتەگەن ادام بۇل پروبلەمانىڭ ءتۇيىنى تارقامايدى دەگەن ويدا. ال ءبىز بۇل تۇيىقتان شىعۋدىڭ ناقتى شەشىمىن ۇسىنامىز. حالىق پارتياسى تۇرعىن ءۇي قۇقىعى – ءاربىر ازاماتتىڭ اجىراماس قۇقىعى دەپ سانايدى,– دەدى ن.ورازحانوۆ.