ۇيىممەن ۇتىمدى بايلانىس

قازاقستانداعى بايلانىس جا­نە ارىپتەستىك جونىندەگى FAO بيۋرو­سىنىڭ باسشىسى قايرات ناجى­ميدەنوۆتىڭ ايتۋىنشا, ءبىزدىڭ ەل بۇل ۇيىمعا 1997 جىلى مۇشە بوپ قابىلدانعان. ۇيىمنىڭ ماقساتى – الەمدەگى ازىق-ت ۇلىك قاۋىپسىزدىگىن قامتاماسىز ەتە وتىرىپ, حالىقتىڭ جوعارى ساپالى تاعامعا تۇراقتى قول­جەتىمدىلىگىنە كەپىلدىك بەرۋ. سونداي-اق ۇيىمعا مۇ­شە مەملەكەتتەرگە اۋىل شارۋا­شىلىعى سەكتورىنا قولداۋ كورسەتۋ.

– FAO باسشىلىعى ناقتى وزگە­رىس­تەرگە قول جەتكىزۋ ءۇشىن ينۆەس­تيتسيالاردى ۇلعايتۋ, يننوۆاتسيالاردى دامىتۋ جانە بۇكىل الەمدەگى فەرمەرلەردى قولداۋ جونىندەگى ارەكەتتەرگە نازار اۋدارۋ سياقتى ءۇش نە­گىزگى شارتقا باسىمدىق بەرىپ وتىر. كەيىنگى جىلدارى ۇيىم عالىمدارعا, ستۋدەنتتەرگە, ماگيسترانتتارعا ارنالعان بىر­قاتار وقىتۋ سەمينارىن جانە فەرمەرلەرگە عىلىم مەن تەحنيكاعا يننوۆاتسيالار ەنگىزۋ بويىنشا ترەنينگتەر وتكىزىپ كەلەدى. مۇنداي جوبالار قازاق ۇلتتىق اگرارلىق زەرتتەۋ ۋنيۆەرسيتەتىنىڭ بازاسىندا دا جالعاسىن تابادى, – دەدى ق.ناجىميدەنوۆ قازاق ۇلتتىق اگرارلىق زەرت­تەۋ ۋنيۆەرسيتەتىنىڭ باس­شىلىعىمەن بولعان كەزدەسۋدە.

ەلىمىزدەگى FAO باعدار­لا­ما­لارىنىڭ ۇيلەستىرۋشىسى جاڭىل بوزاەۆا نىسانالى قورلاردىڭ جوبالارىنىڭ ازىق-ت ۇلىك سەكتورى مەن اۋىل­داردى دامىتۋ, ورمان جا­نە بالىق شارۋاشىلىعىن جاقسارتۋ ءارى قالپىنا كەلتىرۋ, جەر جانە سۋ رەسۋرستارىن تۇراقتى باسقارۋ, كليماتتىڭ وزگەرۋىن ەسكەرە وتىرىپ رەسۋرس ۇنەمدەۋ تەحنولوگيالارىن ەنگىزۋ باعىتىنداعى جۇمىستارىنىڭ ناتيجەسىنە توق­تالدى.

قازاق ۇلتتىق اگرارلىق زەرت­تەۋ ۋنيۆەرسيتەتىنىڭ رەك­تورى اقىلبەك كۇرىش­­باەۆ حالىق­ارا­­لىق ىن­تى­­ماقتاستىقتى دامىتۋ ۋني­ۆەر­سيتەتتىك ءبىلىم بەرۋدى حالىقارالىق دەڭگەيگە ساي­كەستەندىرۋدەگى ماڭىزدى قادام ەكەنىن ايتتى.

– قازاق ۇلتتىق اگرارلىق زەرت­تەۋ ۋنيۆەرسيتەتىنىڭ حالىق­ارالىق قىزمەتى جوعارى ءبىلىم بەرۋ جۇيەسىندەگى ۋنيۆەرسيتەت مارتەبەسىن ارتتىرۋعا جانە الەمدىك ءبىلىم بەرۋ قو­عام­داستىعىنا قوسىلۋعا با­عىتتالعان. باسەكەگە قابىلەتتى كادرلار دايارلاۋ, ىرگە­لى جانە قولدانبالى زەرتتەۋلەر جۇر­گىزۋدى ماقسات ەتىپ وتىر­عان­دىقتان, اگروونەركاسىپ يننو­ۆا­تسيالارىن دامىتۋ جانە فەرمەر­لەردى قولداۋ بويىنشا FAO-مەن ىنتىماقتاس­تىق­قا مۇددەلىمىز. ءبىلىمدى پراكتيكا مەن وقۋ ۇردىسىنە تاراتۋ ارقىلى اگرووندىرىستىڭ دامۋىنا ىقپال ەتەتىن وزىق تاجىريبەلەر مەن تەحنولوگيالاردى تارا­تۋ ءۇشىن عالىمدار, اۋىل شا­رۋا­­­­شىلىعى ونەركاسىپتىك كەشەن مەن جوعارى وقۋ ورىن­دا­رى­نىڭ ءوزارا ءىس-قيمىلىن ۇيلەستىرۋىمىز قاجەت. ۇلت­تىق اگرارلىق زەرتتەۋ ۋنيۆەر­سي­تەتىندە حالىقارالىق ءبىلىم بە­رۋ باعدارلامالارىن دامىتۋ ءۇشىن بارلىق جاعداي جاسالعان, – دەدى ا.كۇرىشباەۆ.

كەزدەسۋگە FAO اۋىل شا­رۋا­شى­لىعى ساياساتى جونىن­دەگى اعا ساراپشىسى ليليا مۋسينا, باعدار­لامالىق تالداۋشىسى سامات قايىربەكوۆ جانە ۋنيۆەرسيتەت عالىمدارى قاتىسىپ, الەمدە ازىق-ت ۇلىك جەتىسپەۋشىلىگىنىڭ, اشتىقتىڭ الدىن الۋ, يننوۆاتسيالىق عىلىمي جوبالاردى ازىرلەۋ مەن ىسكە اسىرۋدى تالقىلادى. وسى ورايدا extension جۇيە­سىنىڭ الەۋەتىن ارتتىرۋ, فەرمەرلەر ءۇشىن بىلىكتىلىكتى ارت­تىرۋ جۇيەسىن قۇرۋدا ۇلت­تىق ۋنيۆەرسيتەتتىڭ عىلى­مي-تەحنولو­گيالىق ينفرا­قۇرىلىمىن پايدالانۋ, كادر­لاردى دايارلاۋ سياقتى ماڭىزدى باعىتتاردى دا FAO-مەن بىرلەسە جۇزەگە اسىرۋ ماڭىزدى.

الماتى