استانادا Beeline Arena ۇلتتىق تەننيس ورتالىعىندا ITF World Tennis Tour «BeeTV 40 women's» سەرياسىنىڭ تۋرنيرىندە ەكى رازريادتا جارتىلاي فيناليستەر انىقتالدى, دەپ حابارلايدى Egemen.kz.
جارىستىڭ العاشقى دۋەتى - قازاقستاندىق اننا دانيلينا مەن يرينا شيمانوۆيچ (بەلارۋس) شيرەك فينالدا ەكى سەتتە تايلاندتان كەلگەن لۋكسيكا كۋمحۋم مەن پەانگتارن پليپۋكتى 6:2, 6:1 ەسەبىمەن جەڭدى. ەندى قازاقستان-بەلارۋس دۋەتى نيدەرلاندىدان كەلگەن جۇپ ياسمين گيمبرەرە مەن بيبيانا سحووفسپەن فينالعا جولداما الۋ ءۇشىن كەزدەسەدى.
ماتچتاردىڭ تىكەلەي كورسەتىلىمىن Qazsport جانە Insport تەلەارنالارىنان كورۋگە بولادى.