سوتسيال-دەموكراتتار يدەياسى ۇتىمدى

بۇگىندە مادەنيەت ماسەلەلەرىنە جەتكىلىكتى كوڭىل بولىنبەيدى. كىتاپحاناشىلار, مۇراعاتشىلار, ارتىستەر, مۇراجاي قىزمەتكەرلەرى بيۋدجەت سالاسى وكىلدەرىنىڭ اراسىندا ەڭ تومەنگى جالاقى الىپ وتىر. بۇل رەتتە, پارتيانىڭ سايلاۋالدى باعدارلاماسىندا مادەنيەتكە ەرەكشە كوڭىل بولىنگەن. جسدپ بالالار مەن جاستاردىڭ بۇقارالىق سپورتى مەن مادەني بوس ۋاقىتىن تەگىن دامىتۋ ارقىلى تولىققاندى مادەني, شىعارماشىلىق جانە سپورتتىق تۇلعانى دامىتۋدى قامتاماسىز ەتۋ قاجەت دەپ سانايدى.

بۇدان بولەك, كانديدات پارتيانىڭ سايلاۋالدى باعدارلاماسىنىڭ وزگە دە باسىم باعىتتارىن باياندادى.

– قازاقستاندا بيلىك حالىققا تيەسىلى بولۋى قاجەت. ەلىمىز جالپىحالىقتىق گۇلدەۋ ءۇشىن قاجەتتى بارلىق العىشارتتارعا يە. بىراق, وكىنىشكە قاراي, وليگارحات پەن جەمقورلىق تامىرىنىڭ تەرەڭگە كەتكەنى سون­شالىق, مەملەكەتىمىزدىڭ دامۋىنا قاتىستى ەكو­نوميكالىق جانە الەۋمەتتىك كۇن تارتىبىندە تۇرعان كوپتەگەن جۇيەلى ماسەلە ۋشىعىپ وتىر. ەلىمىزدىڭ بارلىق دەرلىك باعىتتاعى دامۋى بويىنشا ءبىز شەنەۋ­نىكتەردىڭ جارقىن بولاشاققا قاتىستى بىتپەيتىن ۋادەلەرىنە تولى ادەمى ساياسي باياندامالارىن كورىپ وتىرمىز. جىلدار وتەدى, ۋادە ەتىلگەن ۋاقىت تاياعاندا باستاپقى باعىتتان باس تارتۋعا ءتۇرلى سىلتاۋلار تابىلادى. قاراپايىم ازاماتتار بولسا, جىل سايىن كەدەيلەنە تۇسۋدە, ەلىمىزدىڭ اعىمداعى دامۋ دەڭگەيى جانە 2022 جىلدىڭ قورىتىندىسى بويىنشا 25 پايىزدىق ازىق-ت ۇلىك ينفلياتسياسى وسىنىڭ تىكەلەي ايعاعى. ماقساتىمىز – حالىقتىڭ ءال-اۋقاتى دەڭگەيىن ارتتىرۋ. بۇل – پارتيانىڭ پارلامەنت ءماجىلىسىنىڭ سايلاۋىنا تۇسۋدەگى باستى سەبەپتەرىنىڭ ءبىرى. قازىرگى جاعدايدان مەملەكەتىمىز تەك سوتسيال-دەموكراتيا يدەياسى ارقىلى شىعا الاتىنىنا سەنەمىز. الەۋمەتتىك ءتارتىپ تۇبەگەيلى قايتا قاراستىرىلۋى قاجەت. بۇگىندە ءبىز قوعام, بيزنەس جانە مەملەكەتتى تەپە-تەڭدىك جاعدايىنا قايتارۋىمىز كەرەك. ءبىز ءار شەشىم ازاماتتارىمىزدىڭ يگىلىگىنە جۇمىس ىستەپ, پايداسىنا اسىرىلاتىن الەۋمەتتىك-جاۋاپتى ءتارتىپتى ورناتا الاتىنىمىزعا سەنەمىز, – دەدى ول.