قازاقستانداعى ۇلىبريتانيا ەلشىسىنىڭ رەزيدەنتسياسىندا Study UK Alumni Awards ماراپاتتاۋ ءراسىمى ءوتتى, دەپ حابارلايدى Egemen.kz عىلىم جانە جوعارى ءبىلىم مينيسترلىگىنە سىلتەمە جاساپ.
بۇل ماراپات بريتاندىق جوعارى ءبىلىمنىڭ اسەرى مەن قۇندىلىعىنا كۇرمەت كورسەتىپ, بريتاندىق تۇلەكتەر مەن ولار وقىعان ۋنيۆەرسيتەتتەردىڭ حالىقارالىق بەدەلىن ارتتىرادى.
بارلىق فيناليستەردى قر عىلىم جانە جوعارى ءبىلىم ءمينيسترى ساياسات نۇربەك, بارونەسسا ەمما نيكولسون, ۇلىبريتانيانىڭ قازاقستانداعى ەلشىسى كەتي ليچ حانىم, قازاقستانداعى بريتان كەڭەسىنىڭ ديرەكتورى ەريك لوري قۇتتىقتادى.
رەنات بەكتۇروۆ «بيزنەس جانە يننوۆاتسيا» نوميناتسياسى بويىنشا 2022 جىلدىڭ جاھاندىق جەڭىمپازى اتاندى. ءاربىر فيناليست سەرتيفيكات الدى, ال جەڭىمپازدار ەرەكشە سىيلىق پەن £2,000-قا تەڭ كاسىبي دامۋعا ارنالعان گرانت يەگەرلەرى اتاندى.
كونكۋرس جىل سايىن ۇلىبريتانيا جوو-لارىندا وقىعان قازاقستان تۇلەكتەرى اراسىندا وتكىزىلەدى.