ەكۆادور پوليتسياسى بەلگياعا بانان تاسىمالداپ بارا جاتقانداردان 8,8 توننا ەسىرتكى تاركىلەگەن, دەپ حابارلايدى Egemen.kz.
پوليتسيا باسشىسى فاۋستو ساليناستىڭ ايتۋىنشا, تابىلعان ەسىرتكىنىڭ جالپى كۇنى 330 ميلليون دوللار.
وتكەن جىلى اند ەلىنەن 200 تونناعا جۋىق ەسىرتكى تاركىلەنگەن. ونىڭ كوبى گۋاياكيال پورتىنان تابىلعان.
ەكۆادور ەڭ كوپ بانان ەكسپورتتايتىن ەل بولعاندىقتان, كونترابانديستەر ۇنەمى زاڭسىز ەسىرتكىلەردى تاۋارلاردىڭ اراسىنا تىعىپ, الىپ وتپەك بولادى.
بۇل جولى ەسىرتكىلەر بانان سالىنعان كونتەينەردىڭ ىشىنەن تابىلعان.