اقش-قا جولداما الدى

چەمپيونات ناتيجەسى بو­يىنشا ءبىزدىڭ وقۋشىلار اقش-تا وتەتىن دۇنيەجۇزىلىك رو­بوت­تەحنيكا چەمپيوناتىنا جول­داما الدى. حيۋستون قالا­سىندا وتەتىن FIRST دوداسىندا ەل نامىسىن 50-گە جۋىق وقۋشى قورعايدى. بۇ­لار – جەڭىمپاز اتانعان 4 كو­ماندانىڭ مۇشەلەرى. سونداي-اق تاعى 9 كوماندا اۋستراليا, ماروككو, اقش, ءۇندىستاندا وتە­تىن حالىقارالىق اشىق چەم­پيوناتتارعا قاتىسادى.

– چەمپيونات ءۇش جاس ساناتى بويىنشا ۇيىمداس­تى­رىلدى. كىشكەنتاي بالالار ساتىسىندا الماتى قالاسىنىڭ وقۋشىلارىنان قۇرىلعان Adeptus Mechanicus توبى اقش-تا وتەتىن باستى دوداعا جولداما الدى. ورتاڭعى ساناتتا باس جۇلدەنى الماتىلىق Play 4 Energy توبى يەلەندى. ال 12-18 جاس ساناتىندا الما­تىلىق AENTA جانە NIS Kyran توپتارى جەڭىمپاز اتان­دى. ءۇش كۇنگە سوزىلعان سايىس تارتىستى ءوتتى. جىل سا­يىن روبوتتەحنيكامەن اينالىساتىن وقۋشىلار قا­تارىنىڭ ارتقانى قۋان­تا­دى, – دەدى USTEM Robotics قورىنىڭ جەتەكشىسى اسىلبەك مىرزاحمەتوۆ.

24-26 اقپان ارالىعىندا وتكەن چەمپيوناتقا ەلىمىزدىڭ ءار ايماعىنان 1 200 وقۋشى قا­تىستى. بيىلعى جارىس ەنەر­گيا تاقىرىبىنا ارنالدى.

– بۇل باسەكەدە قازاقستان­نان جانە كورشى ەلدەردەن كەلگەن وقۋشىلار وزدەرىنىڭ يننوۆاتسيالىق جوبالارىن ۇسىندى. كەز كەلگەن جەتىستىك شاعىن قادامداردان باستالاتىنى انىق. سوندىقتان بۇگىنگى جوبالار شاعىن ماسشتابتا بولسا دا, كوپشى­لىك­تىڭ كوڭىلىنەن شىقتى. مەنى جاس تالانتتاردىڭ جوبالارى قۋانتتى. بۇل بالالاردىڭ بارلىعى جاڭا تەحنولوگيالاردى دامىتىپ, ەلدىڭ دامۋىنا ۇلەس قوساتىن بولاشاق IT ماماندار, ينجەنەرلەر مەن عالىمدار ەكەنى انىق, – دەيدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين.

FIRST – STEM ءبىلىم بە­رۋ سالاسىنداعى ناتيجە­لەرگە قول جەتكىزۋگە جانە ءححى عاسىردىڭ داعدىلارىن دا­مىتۋعا ىقپال ەتەتىن باع­دار­­لاما. الەمنىڭ جەتەكشى وقۋ ورىندارىنىڭ ءبىرى ماس­ساچۋسەتس تەحنولوگيالىق ينس­تيتۋتىنا تۇسكەن ستۋدەنت­تەر­­دىڭ 10 پايىزى – ءدال وسى FIRST باعدارلاماسىنىڭ تۇلەكتەرى. ەلىمىز اۋماعىندا FIRST باعدارلاماسى 2020 جىلدان بەرى جۇزەگە اسىپ كەلەدى.