ەلوردا اكىمى ۇلەسكەرلەرمەن كەزەكتى جيىن وتكىزدى

«دوستار, وزدەرىڭىز بىلەتىندەي قالادا قۇرىلىسى ۇزاققا سوزىلعان 30-دان اسا تۇرعىن ءۇي كەشەنى بار. جىلدار بويى تۇرعان كوپپاتەرلى تۇرعىن ءۇي كەشەندەرىنىڭ جاي-كۇيى ءارتۇرلى. ونىڭ ارقايسىسىندا باسپاناسىن كۇتكەن جاندار بار. ءبىز اتالمىش تۇرعىن ءۇي كەشەندەرىنىڭ قۇرىلىسىن كەزەڭ-كەزەڭىمەن اياقتايمىز. ال ۇلەسكەرلەر كوپتەن كۇتكەن پاتەرلەرىنە قونىستانا الادى.

مەن ۇلەسكەرلەرمەن ۇنەمى كەزدەسىپ تۇرامىن. تاعى ەكى تۇرعىن ءۇي كەشەنىنىڭ ۇلەسكەرلەرىمەن كەزدەستىم. ولار – «التىن بۇلاق» جانە «سادوۆىە كۆارتالى» تۇرعىن ءۇي كەشەندەرى», دەپ جازدى اكىم الەۋمەتتىك جەلىدەگى پاراقشاسىندا.

جالپى ۇلەسكەرلەر سانى – 700-دەن استام وتباسى. ماسەلەن «سادوۆىە كۆارتالى» تۇرعىن ءۇي كەشەنى 8 جىل بۇرىن پروبلەمالى دەپ تانىلعان. بۇل نىسان تاپسىرىلعان كەزدە ىرگەتاسى عانا بولاتىن. قۇرىلىس ساپاسىنا ەرەكشە نازار اۋدارا وتىرىپ, جۇمىس قارقىنىن جەدەلدەتۋ تاپسىرىلدى.

سول سياقتى «تۇمار» تۇرعىن ءۇي كەشەنىنىڭ باستاماشىل توبىمەن كەزدەستىم. قۇرىلىسى ۇزاققا سوزىلعان «تەرريتوريا كومفورتا-1» بويىنشا سۇراقتار قوزعالدى.