2023 جىلعى 1-3 ناۋرىز ارالىعىندا قازاقستان سىرتقى ىستەر ءمينيسترىنىڭ ورىنباسارى قانات تۇمىش COVID-19-عا قارسى كۇرەس جونىندەگى قوسىلماۋ قوزعالىسىنىڭ بايلانىس توبىنىڭ وتىرىسىنا قاتىسادى, دەپ حابارلايدى Egemen.kz.
ءىس-شارا ازەربايجان رەسپۋبليكاسىنىڭ توراعالىعى اياسىندا باكۋ قالاسىندا وتەدى جانە جاھاندىق پوستكوۆيدتىك قالپىنا كەلتىرۋ تاقىرىبىنا ارنالادى.
قازاقستاندىق دەلەگاتسيا باسشىسىنىڭ جالپى پىكىرسايىس شەڭبەرىندە ءسوز سويلەۋى, سونداي-اق شەتەلدىك دەلەگاتسيالاردىڭ باسشىلارىمەن بىرقاتار ەكىجاقتى كەزدەسۋ جوسپارلانعان.
1961 جىلى قۇرىلعان قوسىلماۋ قوزعالىسى قازىرگى تاڭدا ازيا, افريكا, لاتىن امەريكا, ەۋروپا جانە وكەانيانىڭ 120 مەملەكەتىن بىرىكتىرەدى. ۇيىمدا, قازاقستاندى قوسا العاندا, تاعى 18 بايقاۋشى ەل بار.