سپارتاكيادادا قازاقستاننىڭ بارلىق وڭىرلەرىنەن 14 پەن 18 جاس ارالىعىنداعى جاسوسپىرىمدەر باق سىناستى, دەپ حابارلايدى Egemen.kz.
قاتىسۋشىلاردى سالتاناتتى تۇردە ماراپاتتاۋ ءراسىمى ارميا ۇيىندە ءوتتى. «جاس سارباز» رەسپۋبليكالىق اسكەري-پاتريوتتىق قوزعالىسىنىڭ تاربيەلەنۋشىلەرىن جارىستىڭ اياقتالۋىمەن اتاقتى سپورتشىلار – وليمپيادا چەمپيونى ولگا رىپاكوۆا مەن الەم چەمپيوناتىنىڭ قولا جۇلدەگەرى, دزيۋدوشى عۇسمان قىرعىزباەۆ قۇتتىقتادى.
جارىس 3 شاقىرىمعا شاڭعى تەبۋ, پنەۆماتيكالىق مىلتىقتان وق اتۋ, ماڭدايشادا تارتىلۋ, دەنەنى شالقاسىنان جاتىپ كوتەرۋ سايىستارىنان تۇردى.
جەكە بىرىنشىلىكتە 14 جاستاعى جاسوسپىرىمدەر اراسىندا اباي وبلىسىنان كەلگەن ميحايل بەلەنكوۆ, 15-16 جاستا – سولتۇستىك قازاقستان وبلىسىنىڭ نامىسىن قورعاعان رومان جەرەبيلو, 17-18 جاستا - باتىس قازاقستان وبلىسىنان كەلگەن رومان حارچەۆ چەمپيون اتاندى.
14 جاس ساناتىنداعى قىزدار اراسىندا اباي وبلىسىنان داريا دەۆياتكوۆا, 15-16 جاس ارالىعىندا باتىس قازاقستان وبلىسىنان كەلگەن ناتاليا پانوۆا, 17-18 جاستا استانالىق الەكساندرا كرۋتوۆا ۇزدىك شىقتى.
كوماندالىق ەسەپتە سولتۇستىك قازاقستان وبلىسىنىڭ قۇراماسى جەڭىسكە جەتتى. ەكىنشى ورىندى باتىس قازاقستان وبلىسىنىڭ كومانداسى, ءۇشىنشى ورىندى استانا قالاسىنىڭ كومانداسى يەلەندى.
- سپارتاكيادا اتاۋىنىڭ وزىندە تەرەڭ ماعىنا جاتىر. قالقان - قورعان دەگەن ءسوز. بۇل ارقاشاندا سپورتتى جانىنا سەرىك ەتەتىن, مىقتى, شىمىر, ەپتى بولاشاق وتان قورعاۋشىلاردىڭ سايىسى. وسىنداي ءىس-شارالارعا قاتىسا وتىرىپ, بالالار جاقسى تاجىريبە جيناپ, الدىنا جاڭا ماقسات قويىپ, ءتىپتى دوستار تابادى. الداعى ۋاقىتتا بۇل جوباعا قولداۋ كورسەتىلەتىنىنە سەنىمدىمىن, - دەپ ءوز ويىمەن «جاس سارباز» اسكەري-پاتريوتتىق قوزعالىسىنىڭ توراعاسى كاپيتان مەيىربەك مەڭدىعاليەۆ ءبولىستى.
ءىس-شارا الماتى قالاسىنداعى ۇلتتىق اسكەري-پاتريوتتىق ورتالىق پەن «جاس سارباز» بالالار ستۋدياسى فيليالىنىڭ شىعارماشىلىق ۇجىمى دايىنداعان كونتسەرتپەن اياقتالدى.