اعا ادىلەت كەڭەسشىسى بەرىك جۇنىسبەكوۆ باس پروكۋراتۋرا اپپاراتى باسشىسىنىڭ ورىنباسارى بولىپ تاعايىندالدى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
بەرىك جۇنىسبەكوۆ 1981 جىلى تۋعان. قازاق قۇقىقتانۋ جانە حالىقارالىق قاتىناستار ينستيتۋتىن بىتىرگەن. 2003 جىلدان 2009 جىلعا دەيىن الماتى قالاسىنىڭ پروكۋراتۋراسىندا جۇمىس ىستەدى, سودان كەيىن 2009 جىلدان 2016 جىلعا دەيىن باس پروكۋراتۋرادا ءتۇرلى قىزمەتتەر اتقاردى.
2016 جىلدان 2017 جىلعا دەيىن الماتى جانە قاراعاندى وبلىسىنىڭ پروكۋراتۋرا بولىمشەلەرىن باسقاردى.
2020 جىلى ۇلىبريتانياداعى ەكسەتەر ۋنيۆەرسيتەتىندە «بولاشاق» حالىقارالىق باعدارلاماسى بويىنشا ماگيستراتۋرانى ۇزدىك ءبىتىردى. وقۋدان كەيىن باس پروكۋراتۋرادا قىزمەتىن جالعاستىرىپ, باس پروكۋرور اپپاراتىنىڭ ازاماتتىق-قۇقىقتىق سالاسىنداعى باقىلاۋ-تالداۋ باسقارماسىن باسقاردى. مەملەكەتتىك قىزمەتتەگى جۇمىس ءوتىلى 18 جىلدان استام.
سونداي-اق باس پروكۋروردىڭ بۇيرىعىمەن قوعامدىق مۇددەلەردى قورعاۋ قىزمەتىنىڭ باستىعى بولىپ ادىلەت اعا كەڭەسشىسى مارات بايان ۇلى ابىشەۆ تاعايىندالدى.
مارات ابىشەۆ 1979 جىلى تۋعان. ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «حالىقارالىق قۇقىق» ماماندىعى بويىنشا بىتىرگەن.
ەڭبەك جولىن 2000 جىلى جەزقازعان قالاسى پروكۋرورىنىڭ كومەكشىسىنىڭ مىندەتىن اتقارۋشى قىزمەتىنەن باستاعان. 2002 جىلدان 2007 جىلعا دەيىن قاراعاندى وبلىسىنىڭ پروكۋراتۋراسىندا ءتۇرلى لاۋازىمداردى اتقاردى, سودان كەيىن باس پروكۋراتۋرادا 2009 جىلعا دەيىن جۇمىس ىستەدى. شىعىس قازاقستان وبلىسىندا سۋديا بولىپ جۇمىس اتقاردى. 2010 جىلدان باستاپ باس پروكۋراتۋرانىڭ سوتتاردا مەملەكەت مۇددەلەرى بويىنشا وكىلدىك ەتۋ دەپارتامەنتىندە اعا پروكۋرورى, ءبولىم باستىعى, دەپارتامەنت باستىعىنىڭ ورىنباسارى, سونداي-اق قوستاناي وبلىسى پروكۋرورىنىڭ ورىنباسارى جانە ءبىرىنشى ورىنباسارى قىزمەتتەرىن اتقاردى. وسى تاعايىنداۋعا دەيىن باس پروكۋرور اپپاراتى باسشىسىنىڭ ورىنباسارى بولىپ جۇمىس ىستەدى. مەملەكەتتىك قىزمەتتەگى ءوتىلى 22 جىلدان اسادى.
باس پروكۋراتۋرانىڭ ىشكى تەرگەپ-تەكسەرۋ دەپارتامەنتىنىڭ باستىعى لاۋازىمىنا ادىلەت اعا كەڭەسشىسى جارقىن قۋانىش ۇلى قۇسايىنوۆ تاعايىندالدى.
جارقىن قۇسايىنوۆ 1976 جىلى تۋعان. قازاق مەملەكەتتىك زاڭ ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن. قىزمەتىن 1993 جىلى باس اسكەري پروكۋراتۋرا ورگاندارىنىڭ جۇيەسىندە باستاعان. 2001-2017 جىلدارى الماتى قالاسىنىڭ پروكۋراتۋراسىندا, باس پروكۋراتۋرادا, ونىڭ ىشىندە باسشىلىق لاۋازىمداردا جۇمىس ىستەدى. 2017 جىلدان باستاپ 2020 جىلدارى الماتى قالاسى مەدەۋ اۋدانى پروكۋراتۋراسىنىڭ باسشىسى, پروكۋروردىڭ ورىنباسارى, كەيىن جامبىل وبلىسىنىڭ پروكۋرورى بولدى.
وسى تاعايىنداۋعا دەيىن استانا قالاسى پروكۋرورىنىڭ ءبىرىنشى ورىنباسارى بولدى. مەملەكەتتىك قىزمەتتەگى جۇمىس ءوتىلى 26 جىلدان استام.