ۇلىبريتانيا پرەمەر-ءمينيسترى ريشي سۋناك ۋكراينانىڭ ناتو-عا قابىلداناتىنىن مالىمدەدى. بۇل تۋرالى «ۋكراينسكايا پراۆدا» باسىلىمى حابارلادى, دەپ جازادى Egemen.kz.
ر. سۋناك ۋكراينا جۋرناليستەرىمەن كەزدەسۋىندە ۋكراينانىڭ ناتو-عا قابىلداناتىنىن ايتقان.
«ناتو-نىڭ باس حاتشىسى يەنس ستولتەنبەرگ ۋكراينانىڭ ناتو-عا مۇشە بولاتىنىن ايتتى. مەن وعان كەلىسەمىن. بىراق ءبىز قازىرگى جاعدايعا دا نازار اۋدارۋىمىز كەرەك. بىزگە ۋكراينانىڭ قاۋىپسىزدىگىن قامتاماسىز ەتۋ جوسپارى قاجەت. ول جوسپار ءبىر كۇنگە عانا ەمەس, ۇزاق مەرزىمگە قۇرىلۋى كەرەك», دەدى ول.
وسى رەتتە پرەمەر-مينيستر ۋكراينانىڭ ناتو-عا مۇشە بولۋى ءۇشىن ونىڭ ستاندارتتارعا ساي بولۋ كەرەگىن قوسا ايتقان.
«ەڭ دۇرىسى, ۋكراينانى ناتو-عا مۇشە بولۋى ءۇشىن ناتو ستاندارتتارىنا ساي كەلەتىن اسكەري جابدىقتارمەن قامتاماسىز ەتۋ كەرەك», دەدى ر. سۋناك.