قازاقستان بوكسشىسى ەرتۋعان زەينۋللينوۆ بولگاريا استاناسى سوفيادا ءوتىپ جاتقان ستراندج حالىقارالىق تۋرنيرىندە العاشقى جەكپە-جەگىن وتكىزىپ, جەڭىسكە جەتتى, دەپ حابارلايدى Egemen.kz Sports.kz سايتىنا سىلتەمە جاساپ.
63,5 كەلىگە دەيىنگى سالماقتا 1/16 فينالدا زەينۋللينوۆ يسپانيادان كەلگەن بوكسشى كوندە ويەر يباررەچەمەن كەزدەستى. قازاقستان بوكسشىسى بۇل جەكپە-جەكتە مەرزىمنەن بۇرىن جەڭىسكە جەتتى.
وسىلايشا, ەرتۋعان زەينۋللينوۆ شاعىن الەم چەمپيوناتىنىڭ 1/8 فينالىنا شىقتى. زەينۋللينوۆتىڭ اۋەسقويلىق جەتىستىكتەرىنە كەلەتىن بولساق, ول 2020 جىلى قازاقستان چەمپيونى اتاندى. ال وتكەن جەلتوقساندا كاسىپقوي بوكستا دەبيۋت جاسادى. قارسىلاسى تۋرالى ايتاتىن بولساق, كوندە حويەر يباررەچە 2023 جىلعى كىشى الەم چەمپيوناتىندا جاسوسپىرىمدەر اراسىنداعى يسپانيا چەمپيونى اتانعان.