الماتى وبلىسىندا اۋىل اكىمى «مەنى حالىق ەمەس, دەپۋتاتتار سايلادى» دەگەن ءسوزى ءۇشىن جازالاندى, دەپ حابارلايدى Egemen.kz Tengrinews.kz سايتىنا سىلتەمە جاساپ.
الەۋمەتتىك جەلى قولدانۋشىلارى 16 اقپاندا اششىبۇلاق اۋىلدىق وكرۋگىندەگى «الماگۇل» ساياجايىندا بولعان وقيعانى قىزۋ تالقىعا سالعان ەدى. سول كۇنى كارىز جەلىسىنىڭ جارىلعانىن تۇسىرۋگە كەلگەن تەلەارنا جۋرناليستەرى مەن اۋىل تۇرعىندارى اكىمگە بىرقاتار سۇراق قويعان.ء «سىز حالىقپەن بىرگە بولۋىڭىز كەرەك, ءسىزدى حالىق سايلادى» دەگەن كىسىگە اكىم «قاتەلەسەسىز, مەنى دەپۋتاتتار سايلادى. كەلەسى جولى مەن سايلاۋعا قاتىسسام, حالىق تاڭدايدى» دەپ جاۋاپ بەرگەن.«وكرۋگ اكىمى جاسۇلان وڭالباەۆتىڭ «مەنى حالىق ەمەس, دەپۋتاتتار سايلادى» دەگەن ءسوزى قاتە بولدى. بۇل وقيعا قوعامنىڭ اشۋ-ىزاسىن تۋدىردى. دەپارتامەنتتىڭ ۇسىنىسى نەگىزىندە اششىبۇلاق اۋىلدىق وكرۋگىنىڭ اكىمى مەملەكەتتىك قىزمەتشىلەردىڭ ادەپ كودەكسىن بۇزعانى ءۇشىن تارتىپتىك جاۋاپكەرشىلىككە تارتىلدى. وعان سوگىس بەرىلدى», دەپ حابارلادى الماتى وبلىسى مەملەكەتتىك قىزمەت ىستەرى اگەنتتىگىنىڭ دەپارتامەنتى.
كەيىن وبلىس اكىمدىگى جاسۇلان وڭالباەۆتى بۇل قىزمەتكە شىنىمەن دە جەرگىلىكتى اۋداندىق ءماسليحات دەپۋتاتتارى سايلاعانىن حابارلاعان.