بۇگىن يراننىڭ وڭتۇستىگىندە 5,3 بالدىق جەر سىلكىنىسى تىركەلدى, دەپ حابارلايدى Egemen.kz ريا نوۆوستي سايتىنا سىلتەمە جاساپ.
ەۋروپالىق-جەرورتا تەڭىزى سەيسمولوگيالىق ورتالىعى (EMSC) ۇسىنعان مالىمەتكە سايكەس, بۇگىن يراننىڭ وڭتۇستىگىندە جەرگىلىكتى ۋاقىت بويىنشا 06:05-تە (استانا ۋاقىتى بويىنشا 12:05-تە) ماگنيتۋداسى 5,3 بولاتىن جەر سىلكىنىسى تىركەلگەن.
EMSC-ءتىڭ حابارلاۋىنشا, ءزىلزالا وشاعى 352 مىڭ تۇرعىنى بار بەندەر-ابباس قالاسىنان سولتۇستىك-باتىسقا قاراي 113 شاقىرىم جەردە, 10 شاقىرىم تەرەڭدىكتە ورنالاسقان. زارداپ شەككەندەر تۋرالى اقپارات جوق.
ەستەرىڭىزگە سالا كەتەيىك, دۇيسەنبى, 20 اقپان كۇنى تۇركيانىڭ سيريامەن شەكارالاس حاتاي پروۆينتسياسىندا ماگنيتۋداسى 6,4 جانە 5,8 بولاتىن تاعى ەكى جەر سىلكىنىسى تىركەلدى. جەراستى ءدۇمپۋى كورشىلەس سيرياعا دا زالال كەلتىرگەن. سوڭعى مالىمەتتەر بويىنشا قايتالانعان ءزىلزالا سالدارىنان ەكى ەلدە قازا تاپقاندار سانى 10-نان اسقان.