«بولاشاق» باعدارلاماسى 30 جىل ىشىندە شەتەلدە 12 مىڭنان استام جوعارى بىلىكتى كادرلار دايىندادى. بۇل باعدارلاما اياسىندا ءبىر ستۋدەنتكە جىلىنا ورتا ەسەپپەن 10 ملن تەڭگە جۇمسالادى. Massaget.kz وقۋعا جىبەرىلگەن ستۋدەنتتەردىڭ قانشاسى ەلگە ورالماعانىن جانە بۇل ءۇشىن ولاردى قانداي جازا كۇتىپ تۇرعانىن انىقتادى, دەپ حابارلايدى Egemen.kz.
حالىقارالىق باعدارلامالار ورتالىعىنىڭ مالىمەتىنشە, «بولاشاق» باعدارلاماسىنىڭ 30 جىلدىق تاريحىندا ستيپەنديادان ايىرىلعان تۇلەك سانى شامامەن 1 پايىز نەمەسە بار بولعانى 180-گە جۋىق ادام. ستيپەنديادان ايىرىلعاندار باعدارلاما شەڭبەرىندە جۇمسالعان قاراجاتتى تولىعىمەن وتەدى نەمەسە وتەپ جاتىر.
ۆەدومستۆو وكىلدەرىنىڭ ايتۋىنشا, ەلگە قايتپاي قالعان ستۋدەنتتەردى الدىمەن ستيپەندياسىنان ايىرادى, كەيىن ولارعا ايىپپۇل سالىنادى.
قازاقستان رەسپۋبليكاسى ۇكىمەتىنىڭ 2008 جىلعى 11 ماۋسىمداعى №573 قاۋلىسىمەن بەكىتىلگەن «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىن بەكىتۋ جانە ستيپەنديانى جۇمساۋ باعىتتارىن ايقىنداۋ قاعيدالارىنىڭ 27-تارماعىنا سايكەس, كونكۋرس جەڭىمپازى وزىنە «بولاشاق» ستيپەندياسىن تاعايىنداۋ تۋرالى شەتەلدە كادرلار دايارلاۋ جونىندەگى رەسپۋبليكالىق كوميسسيا شەشىم شىعارعان كۇننەن باستاپ كۇنتىزبەلىك 90 كۇن ىشىندە اكىمشىمەن جۇمىس ورگانى بەكىتەتىن ۇلگىلىك نىساندار بويىنشا وقۋ شارتىن نەمەسە تاعىلىمدامادان ءوتۋ تۋرالى شارت جاساسادى, وندا مىندەتتى تۇردە مىنالار قامتىلۋى ءتيىس:
- كونكۋرس جەڭىمپازىنىڭ شەتەلدە اكادەميالىق وقۋىن اياقتاعاننان نەمەسە تاعىلىمدامادان وتكەننەن كەيىن قازاقستانعا مىندەتتى تۇردە ورالۋى تۋرالى تالاپ;
- كونكۋرس جەڭىمپازى ءوز مىندەتتەمەلەرىن ورىنداماعان جاعدايدا جۇمساۋ باعىتىندا كوزدەلگەن شىعىستاردى قارجىلاندىرۋدى توقتاتا تۇرۋ تۋرالى تالاپ.
قاعيدالاردىڭ 29-تارماعىنا سايكەس, كونكۋرس جەڭىمپازى شارت بويىنشا ءوز مىندەتتەمەلەرىن ورىنداماعان نە تيىسىنشە ورىنداماسا كونكۋرس جەڭىمپازىن «بولاشاق» ستيپەندياسىنان ايىرۋ تۋرالى ماسەلەنى رەسپۋبليكالىق كوميسسيادا قاراۋ ءۇشىن باستاما جاسالادى.
قاعيدالاردىڭ 33-تارماعىنا سايكەس, كونكۋرس جەڭىمپازى رەسپۋبليكالىق كوميسسيانىڭ شەشىمى بويىنشا «بولاشاق» ستيپەندياسىنان ايىرىلعان جاعدايدا رەسپۋبليكالىق كوميسسيا «بولاشاق» ستيپەندياسىن تاعايىنداۋ تۋرالى شەشىم قابىلداعان كۇننەن باستاپ وعان جۇمسالعان بارلىق شىعىن, وعان قوسا تۇراقسىزدىق ايىبى (ايىپپۇل) وتەلۋگە ءتيىس.
ورتالىقتا «بولاشاق» باعدارلاماسى تۇلەكتەرىنىڭ ەلدە مىندەتتەمەلەرىن ەڭبەكپەن وتەۋىن باقىلايتىن ارنايى تۇلەكتەرمەن جۇمىس باسقارماسى بار. بىلتىر قاتاڭ باقىلاۋ ناتيجەسىندە مىندەتتەمەلەردى ورىنداماعان ستيپەندياتتاردان بيۋدجەتكە 1,6 ميلليارد تەڭگەدەن اسا قاراجات قايتارىلعان.
ايتا كەتەيىك, ستيپەنديا يەگەرى اتانۋ ءۇشىن كەپىلگە ماگيستراتۋرا, دوكتورانتۋرا جانە رەزيدەنتۋرا شەڭبەرىندە جىلجىمايتىن م ۇلىك ۇسىنىلۋى ءتيىس. ال تاعىلىمدامادان وتۋشىلەر 2 جەكە تۇلعانى كەپىلگەر رەتىندە كورسەتە الادى. بۇعان قوسا, كەيىنگى 12 ايدا تۇراقتى تابىسى بار, جاسى 50-گە تولماعان قر ازاماتى ۇمىتكەرگە گارانت بولا الادى. جىلجىمايتىن م ۇلىكتى كەپىلگە قويۋ تالاپ ەتىلمەيدى.
سونداي-اق «بولاشاق» باعدارلاماسىنىڭ ستيپەندياتتارى كەپىلگە جەر قويا الادى.